Atassutip borgmesterip allaffianut matu ammatippaa
Inuit Ataqatigiit Siumullu amerlaqatigiinnik qinersiseqarput, taamaammat Inuit Ataqatigiinneersoq, Ane Hansen, imaluunniit Siumumeersoq, Jess Svane, borgmesterinngussanersoq, Atassummeersup Naja Petersenip aalajangersinnaavaa.
Atassullu ataasiinnarmik qinigaatitaqaraluarlutik, nammineq borgmesterinngorsinnaanini ammatippaa.
- Periarfissat tamarmik ammapput, Naja Petersen oqarpoq.
AAMMA ATUARUK Kommuninni qinersineq ima inerneqarpoq
Ullaaq Inuit Ataqatigiinnik Siumumillu oqaloqatigiissutigisani Atassutillu sunik piumasaqarnissaa, partiimi unnugu ataatsimiissutigissagitik, Naja Petersen oqarpoq.
AAMMA ATUARUK Palle Jerimiassen borgmesterinngortussatut qinerneqartoq
Naja Petersen Siumumut nalunaaqutaq qulinut oqaloqatiginnippoq, Inuit Ataqatigiillu qulit-qeqqanut oqaloqatigalugit. Siumut siulliullugu oqaloqatiginissaanik aallaqqaammut pilersaaruteqaraluarpoq, Inuit Ataqatigiilli siusinnerusukkut oqaloqatiginnikkumammata taakkua oqaloqateqqaarpai.
AAMMA ATUARUK Asii kommunimut qinersinermi taaguunneqarnerpaalluni rekordiliisoq
