Assi: Malik Brøns

Asii qinersinermi qinerneqarnerpaasoq

Asii Chemnitz Narup kommunenut qinersinermi qularutissaanngitsumik qinerneqarnerpaavoq.

Kommuneqarfik Sermersuumi maanna borgmesteriusoq borgmesterinngoqqittussaarpasissorlu qineqqusaarnermi aporaaffeqarsimagaluartoq kommunemi qinersisut sisamararterutipajaavisa qinerpaat.

- Nuannaartorujussuuvunga qujamasuttorujussuullungalu, Asii Chemnitz Narup oqarpoq.

AAMMA ATUARUK Asii kommunimut qinersinermi taaguunneqarnerpaalluni rekordiliisoq

Borgmester nuannarineqarluartoq 

Marlunngornermi qinersinermi 2.259-init ikinnerunngitsunit qinerneqarpoq, tassalu qinersisut sisamaraartingajaasa Inuit Ataqatigiinneersoq qinerpaat .
  
Taamalilluni Asii Chemnitz Narup kommunenut qinersinermut ukiut sisamat matuma siornanut sanilliullugu nuannarineqarnerulluni qinersinerit 15,9 procentiinit qinerneqarpoq. 

- Isumaliorpunga politikkikkut anguniakkatsinni saqqummiussisaqattaarsimanerput aamma taanna tusaaneqarsimasoq. Aammalu suliakka qinikkatut nuannarisorujussuuakka, aammalu siunissamut isumalluarlunga siunissaq upperalugu neriuuteqarlungalu qineqqusaarnera soorluuna tusaaneqarsimasoq, Chemnitz Narup oqarpoq.

Qineqqusaarneq sakkortusimasoq

Asii Chemnitz Narupili isumaqarpoq qineqqusaarnerup nalaani sakkortuumik saassunneqartarsimalluni.

Qineqqusaarnerup nalaani 2013-imi 2020-ip tungaanut inissiat 800-ut pilersinneqarnissaanik neriorsuutigisimasaminik piviusunngortitsisimanngitsutut pasineqarpoq.

Siumumilu politikerinit illoqarfiup ineriartortinneqarnissaanut Siorarsiorfimmut pilersaarummik kommunalbestyrelsenut uukapaatitsisimanerarneqarpoq.

- Allamut sangutitsiniaalluni unneqqarippallaanngitsumillu oqariartorluni siunertariinnarlugu pissaaneqalernissaq, taanna pitsaasuusorinngilara aamma qaquguluunniit pitsaasuusorilernavianngilara nakkarsaataavoq inuit tamat oqartussaaqataanerannut, Asii Chemnitz Narup oqarpoq.

AAMMA ATUARUK Qineqqusaarneq torinngitsoq

AAMMA ATUARUK Per Berthelsen Siumumi ilaasortaajunnaarniarpoq

Taperserneqarnini nuannaarutigaa

Taamaakkaluartormi Inuit Ataqatigiit kommunalbestyrelsimi ilasortaatitaat ataatsimik ilapput, Narupip nuannaarutigeqisaanik.

- Taamaalilluni qulakkeerneqarpoq suliniutit pitsaasut aallartereernikuusagut aamma nangissinnaassagigut taamaalilluta Kommuneqarfik Sermersooq aamma Nuuk suli nuannernerulissasut najussallugit, taanna qulakkeerparput, Asii Chemnitz Narup oqarpoq.
  

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat