Asii Chemnitz Narup politikkimut uteqqittoq
![Asii Chemnitz Narup Asii Chemnitz Narup](/sites/default/files/styles/image_934x467/public/article_images/img_4017.jpg?itok=kG_c5PGX)
Inuit Ataqatigiit sinnerlugit Kommuneqarfik Sermersuumi ukiorpaalunni siuttuusimasoq, taaguunneqarluartarsimasorlu, Asii Chemnitz Narup, inatsisartunut apriilip ulluisa arfernanni qinersinissamut qinigassanngortippoq.
Sermitsiaq.AG-mut taama oqarpoq.
Asii Chemnitz Narup Kommuneqarfik Sermersuumi 2008-mit 2019-ip tungaanut borgmesteriuvoq, kommuninullu kingullermik 2017-imi qinersisoqarmat 2259-init taaguunneqarluni.
Demokraatit Kommuneqafik Sermersuumi ukiuni qulini suleqataareerlutik borgmesterimut partiianullu tatiginnikkunnaarlutik suleqatigiinneq 2019-imi kipivaat, Asii Chemnitz Narupilu borgmesteritut kingorna tunuarniuteqarluni.
AAMMA ATUARUK IA Demokraatillu imminnut pisuuteqattaatilersut
Tasiilaq pillugu suliaq oqallisigineqangaatsiareersorlu Asii Chemnitz Narup borgmesteritut taamanikkut tunuarniuteqaropq, DR-ip piviusulersaarutaa "Byen hvor børn forsvinder" aallakaatinneqareersorlu Kommuneqarfik Sermersuumi Inuit Ataqatigiit borgmesterilu Demokraatinit taamani isornartorsiorneqarlutik.
Demokraatit Inuit Ataqatigiinnik ukiuni qulini suleqateqareerlutik Inuit Ataqatigiinnut borgmesterimullu tatiginnikkunnaarlutik suleqatigiinneq taamaanikkut 2019-imi kipivaat.
Asii Chemnitz Narupili politikkimut maanna uteqqinialerpoq:
– Aap, aalajangerpunga. Qinigassanngortippunga. Ukiuni kingullerni ineriartorneq sorpassuartigut isumatsannarpoq. Tamanna meeqqama ernuttamalu siunissaat pineqartillugu ingiinnarlunga isigisinnaanngilara, Asii Chemnitz Narup Sermitsiaq.AG-mut taama oqarpoq.