Asseq toqqorsivimmit

Asii Chemnitz Narup borgmesteritut tunuarpoq

Kommuneqarfik Sermersuumi borgmesteri Asii Chemnitz Narup atorfimminit ingerlaannartumik tunuarpoq.

Kommuneqarfik Sermersuumi borgmesteri Asii Chemnitz Narup atorfimminit ingerlaannartumik tunuarpoq.

Tusagassiorfinnut nalunaaruteqarluni taama allappoq. 

Tamatumunngalu atatillugu Demokraatit sakkortuumik isornartorsiorpai ila allalluni: 

- Ukiorpassuarni politikkeriuvunga, Kommuneqarfik Sermersooq, uangalu inuttut, akerlilersorlugu Naalakkersuisut suleriusissamittut ilusiligaat, Demokraatinit suleqateqarani ukiuni tulliuttuni ajornartorujussuanngortussaavoq, innuttaasunullu iluaqutaasussamik akaareqatigiilluni suleqatigiinnissaamut uanga minnerpaannguamilluunniit akornutaarusunngilanga.

Kommunalbestyrelsip ullumi marlunngornermi ataatsimiinnerani, taamakkuninnga tunngaveqarlunga borgmesteritut tunnuarnissara aalajangiuppara.

Ukiuni qulini suleqatigiinneq tamaanga killeqarpoq

Demokraatit Kommuneqafik Sermersuumi ukiuni qulini suleqataareerlutik borgmesterimut partiianullu tatiginnikkunnaarlutik ataqqinnikkunnaarlutillu sapaatit akunnerata siuliani nalunaaruteqarput. Tamannalu pissutigalugu suleqatigiinneq kipivaat. 

Borgmesterip Tasiilami pissutsit pillugit suliami iliuuserisai kiisalu borgmesterip Facebookikkut allaaserisaa taama kinguneqartinneqarput.

Inuit Ataqatigiit Demokraatillu kommunimut 2017-imi qinersinerup kingorna suleqatigiinnissamik isumaqatigiissuteqarput. Taanna 2021-mi qinerseqqinnissap tungaanut kommunip suliniutissaanik arlalinnik imaqarpoq. Demokraatillit suleqatigiinnermit tassannga tunuarpoq.

Asii Chemnitz Narupillu borgmesteritut tunuarnini marlunngornermi ullaaralaakkut nalunaarutigaa. Tusagassiorfinnut nalunaarummi quppernernik A4-nik marlunnik imartutigisumi Demokraatinut arlalinnit isornartorsiuteqarpoq: 

- Kommuneqarfik Sermersuumi politikkikkut suleqatigiinnerput Demokratit taamaatippaat, uannik inuttut tatiginnikkunnaarnertik peqqusiullugu. Tamaasiornerat soorunami ajunngilaq.

Imalu nangippoq:

Sisamanngornermi ullaakkut suleqatigiinnerput Demokraatit atorunnaarsinniarlugu nalunaarutigimmassuk ingerlaannavillunga neqeroorutigaara uanga borgmesteritut ingerlaannarlunga tunuarsinnaallunga. Suleqatigiinnitsinnut, taamatumuunakkullu politikkikkut suliatsinnut pingaarutilimmut, uanga inuttut akornutaarusunnginnama, kissaatigigakkulu suleqatigiinnitta ingerlatiinnarneqarnissaa.

- Ataatsimeeqatigiinnitsinni paasivara Demokratit kissaatiginngikkaat uanga borgmesteritut tunuarnissara. Aaqqiissutaasinnaagaluartoq uanga tunuarlunga, IA-lli Demokraatillu suleqatigiinnerat ingerlaannassasoq, allamik borgmestereqarlerluni, Demokraatit kissaatiginngilaat

- Soorunami tamanna uanga eqqumiigivara. Politikkikkut suliniutitta imai siunertaalu, politikkikkut suleqatigiinnissatsinni isumaqatigiissummiittut, suli pingaaruteqarlunilu politikkikkut isumaqassappata, ajornartorsiullu uanga inuttannut killilerneqarsinnaappat, taava nunarsuarmi maani ajornannginnerpaassangaluarmat uanga tunuarnissannik neqeroorutiga akuerisimasuuppassuk.

- Neqeroorutigigaluakkamali kajuminnarsimannginneranut nassuiaatissaa allarluinnarmiissorinarpoq.

Siunissami sussanerluni nalugaa

Asii Chemnitz Narup Facebookkkkut allappoq borgmesteritut tunuarnini oqimaatsoq.

- Kommuneqarfik Sermersuumiit borgmesteritut tunuarniarlunga matumuuna nalunaarutigaara. Uummatikkut oqimaaqaaq.

Uummatinnut oqimaaqaaq kommunitsinni nunatsinnilu suli pingaarutilinnik suliassaqaqimmat, uangalu naammasserusutakka suleqataaffigerusutakka tamakkerlugit naammassinnginnakkit.

Kommunitsinnut kommunitsinnilu suleqatigiinnissamut uanga akornutaarusunngilanga. Aammali uanga ukiuni tulliuttuni marlussunni piffissara atorusunngilara polikkikkut qinngasaarunnernut, naalleraannernut imaluunniit toqqaannartumik akerlilersuilluni sulinernut. Taamaattoqassappat innuttaasunut suliarisinnaasakka minnerulissammata .

Suliffeqarnissakkut siunissaq qanoq uannut nassataqarumaarnersoq suli naluara – uummatigali Kalaallit Nunatsinniippoq, illoqarfimmilu inunngorfinni Nuummi

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat