IA Demokraatillu imminnut pisuuteqattaatilersut

Tasiilaq pillugu suliamut aningaasaqarnermullu atatillugu Inuit Ataqatigiit Kommuneqarfik Sermersuumi Demokraatit gruppiata siulittaasuannit, Justus Hansenimit isornartorsiorneqaqqammerpoq.
Demokraatit IA-lu 2017-imi suleqatigiileraluartut Demokraatit suleqataajunnaarput. Assi © : Kommuneqarfik Sermersooq
Allattoq Jens Betak, Bikki P. Kleist
juunip 07-at 2019 08:11
Nutserisoq Connie Fontain

Demokraatillu IA-mik suleqateqarunnaaramik Randi Vestergaard Evaldsen Kommuneqarfik Sermersuumi borgmesterip aappaattut inissisimajunnaarluni tunuarpoq.

Partiillu suleqatigiissimasut akunnerminni maanna imminnut pisuuteqattaalerput. Demokraatilllu isornartorsiuinerannut IA akissuteqarpoq. 

Inuit Ataqatigiinnut kingumut qiviarluni tupaallannartoqanngilaq Demokratit suleqatiginnikkusukkunnaarnerat.
Demokratit sangujoraarlutik ingerlanerat ukiup nikinneraniilli arajutsisimanngilarput.

AAMMA ATUARUK Demokraatit suleqataajunnaarput

IA'p gruppia tusagassiutinut taama nalunaaruteqarluni akissuteqarpoq.

Tasiilaq pillugu suliat Demokraatinit isornartorsiuineq IA-p gruppiata paasisinnaannginnerarpaa Demokraatillu nalunaarutaat isumassaqannginnerarlugu.

- Suna pillugu Demokratit suleqatiginneqqikkumajunnaarnerat uatsinnut paasiuminaappoq. Tamatumali ersersiinnannginnerpaa Inatsisartuni kommunalbestyrelsimilu suliassat suunerisa immikkoortissinnaaneri Demokraatit ajornartorsiutigigaat?, IA tusagassiuutinut nalunaarummi taama allappoq.

KNR-ip borgmesteri, Asii Chemnitz Narup oqaaseqatinniaraluarpaa iluatsinngitsumilli.

Nutaarsiassami kukkunermik nassaarsimaguit uunga allaffigineqarsinnaavugut.

Aamma atuaruk