Arnaq 26-nik ukiulik hashimik 2,4 kiilumik nunatsinnut eqqusseriaraluartoq
Arnaq 26-nik ukiulik Nuummi mittarfimmi ilanngaaserisunit ualikkut tigusarineqarpoq.
Hashimimmi 2,4 kiilumik nassaarsimapput. Hashi pineqartoq nunatsinnut eqquteriaraluarneqarpoq. Hashi pineqartoq højttalerimut toqqorneqarlutik nunatsinnut eqquteriaraluarneqarpoq.
Suliaq politiinut erngertumik kalerriutigineqarpoq, arnarlu mittarfimmi kinguninngua tigusarineqarluni. Kalaallit Nunaanni Politiit tusagassiorfinnut nalunaarummi taama allapput.
Erngertumik poineqaatissinneqartoq
Tigusarineqartoq isertitsivimmut siullermik inissinneqartoq nalunaarutigineqarpoq, Eqqartuussisoqarfik Sermersuumilu tallimanngornermi sassartinneqarluni.
Arnaq inuusuttoq eqqartuussiveqarfimmit erngertumik pineqaatissinneqarpoq, pineqaatissinneqarsimasunut inissiisarfimmi qaammatini qulini inissinneqartussanngortinneqarluni.
Arnaq pineqartoq pineqaatissinneqarnermi kingorna pineqaatissinneqarsimasunut inissinneqarnissami tungaanut iperagaavoq.
