Allakkanik nassiussinermut akit 2026-mi qaffassanngitsut

Nuummi mittarfik nutaaq kiisalu KNI Pilersuisup Brugsenillu suleqatiginerat nassiussanut akit qaffannissaannut unikaallatsitsipput. 2026-mi akit ullumikkutulli iinnassapput.

Allattoq Ivalu Nivi Johansen

oktobarip 15-at 2025 12:39

Allakkanik poortukkanilluunniit nassiussinermi akit 2025-mit 2026-mut ikaarsaariarnermi allannguuteqassanngillat.

Tusass nittartakkamini allappoq.

Suleqatigiinnissamut isumaqatigiissutit nutaat ilaatigut KNI-p Brugsenillu suleqatiginerat Tusassimut sipaaruteqartitsivoq. Tamatuma saniatigut Nuummi mittarfimmut nutaamut toqqaannartumik timmisartuussisoqarsinnaanera aamma sunniuteqarpoq, Tusass tusagassiuutinut nalunaarummi allappoq.

- Una nalunaarut saqqummiutissallugu assut nuannaarutigaarput, tassami nunatta iluani niuerniarnermi ajornaannerusumik akigititanik malinninniarnissaannut allannguisaqattaartoqanngikkallassammat. Tusassimi Niuernermi Pisortaq, Nikolaj Christoffersen oqarpoq.

KNI Pilersuisup Brugsenillu suleqatigineratigut atuisartut allagarsiassatik ulluinnarni pisiniarfigisartakkaminnut aasinnaavaat. Taamaaliornikkut allakkanut aningaasartuutit aamma annikillisinneqarput, allakkerivik allappoq. Tamatumalu saniatigut suleqatigiinnerup kingunerisaanik atuisartut allagarsiassaminnik aallernissamut piffissaqarnerulerput.

Illit isummat pingaartittaqaarput. Nutaarsiassaq pillugu isorisat nersualaarinerillu uani tikilluaqquagut.