Ole Kristiansen ukioq manna Arctic Soundsimi pingaarnertut tusarnaartitsisunut ilaavoqAssi: Flickr.com / Dortheivalo

Arctic Sounds peqataaffigineqartorujussuaq

Festival tusarnaartitsisaqattaarfiusoq, Arctic Sounds Festival, Sisimiuni aatsaat taama amerlatigisunik peqataaffigineqarluni sisamanngormat aallartippoq.

Nunatsinnit nunanilu avannarlernit erinarsortartut, nipilersortartut, teknikerit attaveqaatillu Arctic Sounds Festivalimut peqataajartorlutik Sisimiunukartut Festivalimit nalunaarutigineqarpoq.

Ilaatigut Nikolaj Lønstrup, Small Time Giants Sound of the Damnedilu tusarnaartitsissapput.

Nuka Alice Lund festivalimut oqaaseqartartuuvoq, festivalimullu qanoq ilimasunnerluni oqaluttuaraa.

- Ilimasuppunga inuit nuannisarluinnaqqinnaassasut. Nipilersortartummi maaniittut pikkorissorpassuugamik, Nuka Alice Lund oqarpoq.

Festivalilu aallartilluartoq taanna oqaluttuarpoq.

- Ippassaq ammaanersioreeratta aallartilluartorujussuuvugut. Aamma nipilersortartut nipilersoriaasii assigiinngitsorujussuugamik nipilersorfimmullu tulluarsaqqissaagassaallutik. Aamma taalliat erinniallu nutaaqqissaat tusarnaariartunut siullerpaamik avitseqatigiissutigineqarmata, nipilersortut tusarnaartullu immikkuullarissorujussuarmik misigisaqarput, Nuka Alice Lund oqarpoq.

Nipilersortartullu nuannarineqartut tusarnaartitseqataarusummata tulluusimaarnartoq oqaaseqartartoq oqarpoq.

- Ole Kristiansen peqataarusummat tulluusimaarutigisorujussuuarput. Tassami nipilersortartoq taama ataqqisaatigisoq maaniikkami. Aamma ukua allat pingaarnertut nalunaarutigisagut, soorlu Ingeborg Oktoberi taanna Norgemi grammynnaqqammerpoq, aamma Greta Svabo Bech Savalimmiuni grammynnaqqammerluni. Taamaasilluni nipilersornermik qaffasissorujussuarnik piginnaasallit tusarnaartitsisorisinnaagatsigit. Tamaasa soorunami tulluusimaarutigivagut, kisianni uku nipilersortartut nersornaaserneqarnikut maani appissimaarusummata angusarput assut annertuvoq, Nuka Alice Lund oqarpoq.

Festivalimut bilitit nungungajalersut taanna aamma oqarpoq.

Artic Sounds Festival poorskip-aappaani naassaaq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat