Arabiamiut arnartaat atugarlionerpaanut ilaasut

Nunat arabiamiusut oqaaseqarfiusut nunarsuatsinni kinguarsimanerpaanut ilaapput, FN-ip ineriartortitsinermut allaffeqarfia UNDP, Araberit arnartaat pillugit nalunaarusiamini taama saqqummiussaqarpoq.

Arnat inuiaqatigiinni akuutinneqalinngippata Araberit nunaat inuiaqatigiinnut nutaaliaasunut ilaalernavianngitsut oqaatigineqarpoq.

Nalunaarusiaq Araberit nunaanni naalakkersuisunit nuannaarutigineqarpallaarnavianngilaq. FN-ip ineriartortitsinermut allaffeqarfiata, Araberit akornanni ilisimatuut nuimanerit, soorlu Igitsinimeersut aamma Yemen-imeersut ilismasaat tunngavigalugit nalunaarusiorsimavoq. Nunani taakkunani eqqartorumaneqarneq ajortut sammineqarput tassalu Araberit arnartaat. Tassami Araberit naalagaaffissuannik pilersitsisoqarsinnaanngilaq Araberit arnartaat siuarsarneqanngippata.

Araberit arnartaat nunarsuarmi inuutissarsiornermi akuutinneqannginnerpaapput. Arnat sulifufissaaleqisut angutinit marloriaammik ilaatigullu tallimariaammik amerlanerusarput.

Araberit arnartaasa affaat atuarsinnaanngillat. Niviarsiaqqat tallimaagaangata, tallimaat tunngaviusumik atuarfik tikiinnarlugu atuarsimasarpoq- araberit arnartaasa affaat atuarsinnaanngillat.

Kina, Aasia, Europa, USA aamma Amerika Qiterleq Kujallerlu sukkasuumik siuariartorfiuleruttortut, Araberit nunaat ineriartorfiuallaanngillat.