Qaqortoq: Blok A-mi arfininngornermi unnukkut ikuallattoqarpoq. Najugaqartut allamut inissinneqarallartut

Qaqortumi Blok A på Poul Ibsensvej 213-imi Blok A-mi arfininngornermi unnukkut ikuallattoqarpoq.

Politiit qatserisartullu nalunaaqutaq 20.20-p missaani nalunaarfigineqarput. Tassani quleriiaat siulliat, marlunnik-pingasunillu inissiartalik ikuallarujussuartoq oqaatigineqarpoq. Inneq ima sakkortutigisimavoq allaat kissarnerujussuarmik pilersitsilluni.

Taamak Kalaallit Nunaanni Politiit pigaartuisa pisortaat Thomas Jeppesen paasissutissiivoq.

- Qatserisartut politiillu ikuallattoq qamissinnaasimavaat, aamma inunnik ajoqusertoqanngilaq, taanna oqarpoq.

Blok A-mi najugaqartut unnuaq allamut inissinneqarallartut, pigaartut pisortaata paasissutissiissutigaattaaq.

Sumiiffimmi ikuallanneq qanoq aallartissimanersoq nalorninaallisinniarlugu Qaqortumi Politiit ullumi sapaammi ulloqeqqata-tungaani misissuissapput.

Meeqqat arlallit ikuallattumut takunnittuusut

Qaqortup arsaattarfiata eqqaani aaqqissuussineq ingerlanneqaleruttortoq ikuallanneq aallartippoq, tassani meeqqat inuusuttullu arlalissuit peqataanerminni ikuallattoq takuaat.

Taamaattumik takunnissimasunut kikkunnulluunniit oqaloqateqarnissamik pisariaqartitsisunut, Qaqortumi Ilaqutariit illuat sapaammi oktobarip 19-ianni nalunaaqutaq 13.00-miit 16.00 tungaanut ammatinneqassaaq.

Taamak Kommune Kujalleq facebookimi quppernermini allappoq.