Apummit oqqiortitat saqqummerartut salinneqalerput

Najugaqartut immikkoortortaanni, najugaqatigiit ineqarnerminnut qaammammi ataatsimi akiliutigisartagaat, inissiaatileqatigiiffiup INI-p ajugaasunut akissarsiassaritinniagaani annersaassaaq.

Illoqarfinni arlaqartuni najugaqartut saleeqataatinneqassapput.

Nuummi namminneq piumassutsiminnik saliiumasut ualeru saliissapput. Najugaqarfiillu namminneq najugaqarfiginngisaasa eqqaanni ullumi nalunaaqutaq ataatsiniit arferngup tungaanut saliisoqassaaq.

Kommuneqarfik Sermersuup sulisuni saliisinniarpai, eqqakkat puussaannik aaqqatinillu kommuni tunniussiniarluni. Containerillu eqqakkanut atorneqartussat piareersimatinneqassapput.

Suliniutinik ataqatigiissaarisuuvoq CSR Greenland.

Nuummi suliffeqarfiit angisuut Air Greenland, Royal Arctic Line, Grønlandsbanken kommuneqarfik Sermersuullu sulisui saliinermi peqataassapput.

Nammineq piumassutsiminnik saliisut ilungersunartorsiuinnarnavianngillat. Saliineq naammassippat kulturikkut illorsuarmi Katuami kaffillertoqassaaq, kaffisoqatigiinnermi KNR-ip erinarsortartui Qupannavaat tusarnaartitsissallutik.