Politiit ullormut nalunaarutaat: Angut aallaasilisartoq Maniitsumi tigusaavoq

Maniitsumi akunnittarfiup Hotel Maniitsup eqqaani angut aallaammik sakkulisartoq Maniitsumi politiit ippassaq ualikkut orniguffigisariaqarsimavaat.

Kalaallit nunaanni politiit pigaartuat Jaaku Andreassen taama paasissutissiivoq.

- Angummik aallaammik sakkulisartoqartumik nalunaarfigineqarpugut. Politiillu ornigunneratigut paasineqarpoq susoqarsimanersoq, politiit pisortaat oqarpoq.

Aallaammik seqqortoqarsimanngitsoq pigaartut pisortaata nalunaarutigaa.

- Pisoq misissorluarneqarpoq. Akunnittarfimmi najugaqartunut eqqaaniittunullu ulorianartorsiortitsisoqanngilaq, pigaartut pisortaat nalunaarpoq.

Ilanngullugulu nalunaarutigaa angut 30-t missaanik ukiulik tigusarineqartoq.

- Pinerluttoqarsimaneranik paasiniaaneq ullumi ingerlanneqassaaq, eqqartuussinermillu kinguneqartinneqassanersoq paasiniarneqassalluni.

Angut hotelimiittunit, politiinilluunniit ilisimaneqarnersoq pigaartut pisortaata paasissutissiissutiginngilaa.

Marlunngormat unnuakkut Ittoqqortoormiuni assingusumik pisoqarpoq, tassani politiit angut aallaasersortoq tigusarivaat. Ullullu ingerlanerani killisiorneqareerluni iperagaavoq, pigaartutut pisortaq Anette Ostenfelt marlunngormat oqaatigaa.