Angut 27-nik ukiulik Nanortalimmi toqutsisimasutut ulluni 28-ni tigummineqarallartussanngortinneqartoq

Angut 27-nik ukiulik arnamik 65-inik ukiulimmik toqutsisimasutut pasisaalluni Nanortalimmi sapaammi tigusaavoq. Arnaq taanna toqungasoq Nanortalimmi nassaarineqarpoq.

Angut toqutsisimasutut pasisaq Kommune Kujallermi ataasinngornermi sassartinneqarpoq. Eqqartuussiviup angut ulluni 28-ni tigummineqarallartussanngortippaa.

Angut toqutsisimasutut pinngitsuunerarpoq.

Kalaallit Nunaanni politiit taama ilisimatitsipput.

Arnamik toqungasumik nassaartoqarsimasoq, politiinut sapaammi ullaap tungaanut qulinngulertoq siarngutigineqarpoq.

Suliami tassani misissuileruttoramik qanorpiaq pisoqarsimanersoq oqaatigisinnaanngikkitsik, politiit ilisimatitsipput. Taamaammat angut taanna eqqartuussivimmi matoqqasumik sassartinneqarpoq.

Pisumut ilisimannittut Kalaallit Nunanni politiinut attaveqaqquneqarput. Suliamut tassunga tunngasumik arlaatigut ilisimannikkuit politiit 701448-mut sianerfigalugit attavigisinnaavaatit.

Annertuumik pinerluttoqarsimatillugu misissueqqissaartartut National Kriminalteknisk Centerimeersut nakorsarlu toqusut timaannik misissuisartoq nunatsinni politiit suliami tassani misissuinerannut ikiuukkiartorlutik Danmarkimiit tikissapput.  

Kommune Kujallermi ataatsimiititaliat ilaat politiillu alianartumik pisoqarneranut tunngatillugu nalaatsinerluttunik ikiuinasuarnissamut suleqatigiipput. Oqaloqateqarnissamik pisariaqartitsisut Nanortalimmi ilaqutariinnik sullissivimmut saaffiginnissinnaapput.