Angerlarsimaffinni persuttaasoqartarnera pillugu atuartitsissutit nutaat
Taasunga atatillugu angerlarsimaffinni persuttaasoqarnersoq qanoq paasiniarneqarsinnaanersoq, aamma meeqqanut arnanullu persuttaanermit eqqugaasunut suliaqarnissamut ilinniartitsisoqartalissaaq.
Suliniut Kattunneq tassaavoq nuna tamakkerlugu qimarnguinni suliniuteqarnermut suliaqartoq, suliniuteqartorlu
angerlarsimaffinni persuttaasarneq pillugu atuartitsinermut atortussanik sapaatip akunnerata tulliani saqqummersitsisussanngorpoq, ilinniartitsinermullu atortussat inunnik isumaginninnermut siunnersortinngorniartunut atorneqassapput.
Paasissutissat
Nunatsinni qimarnguiit arfineq-pingasuupput kiisalu nuna tamakkerlugu qimarnuimmik katsorsaaviutigisumik ataatsimik peqarluni.
Nunatsinni arnat inersimasut 62 procentii persuttagaanermik aqqusaagaqarsimapput.
Inuusuttut 15-it 18-illu akornanni ukiullit 27 procentiisa arnaanartik persuttagaasoq ukiumi kingullermi takusimanngikkuni tusaasimavaat.
Kattunneq 2014-imi pikkorissartitseqqaarpoq, Kattunnerllu 2019-imi kvartalip siulliup tungaanut ingerlassaaq.
Kattunneq Nuummi 2016-imi ataatsimeersuartitsivoq qulequtalimmik "Angerlarsimaffimmi persuttaaneq - tamaata akisussaaffipput", suliaqarfimmi suliaqartut 200-t peqataapput.
AAMMA ATUARUK Nakuusertarnerup ajornartorsiutaanera unammillernarpoq
Atuartitsinermut atatillugu atortussat amigaatigineqarput persuttaanermillu nalaataqarsimasunut sullissisut ilisimasanik amigaateqartarsimasut suliniutip misissuitsinerani tamanna paasineqarpoq
Paasissutissallu atorluarneqarnissaat, suliniummi Kattunnermi peqataasoq, Mælkebøttecentretimmilu pisortaasoq Kirsten Ørgaard oqarpoq.
Tamatuma saniatigut qimarngiit siunissaat pillugu Nuummi ataatsimiittoqalerpat, isumaginninnermut suliaqartut, kommiinit Namminersorlutillu Oqartussat peqataassapput.
Ataatsimiinneq atuartitsissutissallu Kattunnermi, 2014-imiilli ingerlanneqartumi ukioq mannalu marsip 31-ani unittussami, suliniutigineqartut kingullersaraat.
