Assi: Kommuneqarfik Sermersooq

Inuiaqatigiilerisoq: Angerlarsimaffeqanngitsut sullinneqarnerat nalilersorneqartariaqarpoq

Angerlarsimaffeqanngitsut suliffillit containerini najugaqartinneqartarnerat pillugu Kommuneqarfik Sermersooq nalilersuisariaqarpoq, tulleriinnerilu allanngortillugit, tassalu angerlarsimaffeqanngitsut inissaanik tunineqareernerisigut suliffissaannik ikiorlugit, taama oqarpoq, Ilisimatusarfimmi  inuiaqatigiilersoq Steven Arnfjord

Angerlarsimaffeqanngitsut suliffillit najugaqarfissaannik containerimik 26-nik ineerartalimmik Kommuneqarfik Sermersooq ukiut marlunngulersoq periarfissiivoq. Ineeqqalli affai kisimik atorneqarput, kommuneqarfik Sermersooq taama paasissutissiivoq.

AAMMA ATUARUK Nuummi angerlarsimaffeqanngitsunut containerini inissat affaat atorneqanngitsut  

Containerini eqqamik attartornissamut piumasaqataavoq, angerlarsimaffeqanngitsut suliffeqarnissaannik.

Tamannalu killormut pisussaagaluartoq Ilisimatusarfimmi  inuiaqatigiilerisoq Steven Arnfjord isumaqarpoq.

- Canadami Alaskamilu angerlarsimaffeqanngitsunik sullissinermi tamanna misilittagaqarfigineqarpoq,   angerlarsimaffeqanngitsut inissaannik tuneriarlugit , isumaginninnikkut ikiorlugit kingornalu sulilernissaannik ikiorlugit, Ilisimatusarfimmi inuiaqatigiilerisoq taama oqarpoq.

- Sumiiffinni allani iluatsittoq misilittagaqarfigineqarpoq, tamanna toqqissisimanermik  isumannaatsuunermillu pilersitsisarmat, namminerisamik ineqarluni, Steven Arnfjord oqarpoq,  ulluinnarni inuuneq nutaamik aallartinneqartarpoq, isumaginninnikkut sullissisumik  imaluunniit katsorsaasumik oqaloqateqarnissamut periarfissiisoqartarpoq suliffissarsiornissamullu ikiorneqarluni, Steven Arnfjord Kalaallit Nunaanni angerlarsimaffeqanngitsut pillugit ilisimatusarsimavoq taama oqarpoq.

Taamaattumik Steven Arnfjord isumaqarpoq, angerlarsimaffeqanngitsut suliffillit containerini ineqartinneqartarnerat pillugu Kommuneqarfik Sermersuumi politiikerit nalilersuisariaqalersut.

Inuiaqatigiilerinermik ilisimatusartup angerlarsimaffeqanngitsut containerini najugaqartut oqaloqatigisimavai,  taakkualu inissaqartinneqarnertik nuannaarutigigaat Steven Arnfjord oqarpoq.

Arnfjordillu aalajangiusimavaa, utaqqiisaasumik containerini ineqartinneqartarmata , taamaattumillu  containerini najugaqartut aalajangersimasumik ineqalernissaannik kommune aaqqiissuteqartariaqartoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat