Angajoqqaat AKO pillugu: Sulisut meeqqavut iluamik paarinngilaat
![](/sites/default/files/styles/image_934x467/public/2024-07/20240704-143822-L-1920x1280we.jpg?itok=x7Ue0RCs)
Nakuuserneq, nakkutiginnilluannginneq paasissutissallu amigartut. Angajoqqaat 19-it Kommuneqarfik Sermersuumut naammagittaalliuteqarnerminni ajornartorsiutit nassuiaatigisaat ilaatigut tamakkuupput.
Naammagittaalliuut sapaatip akunnerata siuliani nassiunneqartoq Nuummi AKO Narsarmiutamut tunngassuteqarpoq.
Naammagittaalliuummi KNR-ip takunniffigisinnaasaani angajoqqaat ornittakkami paarsisut meeqqaminnik iluamik paarsinnginnerat ernumassutigingaatsiarlugu allaaseraat.
- Iluamik nakkutiginnittoqanngitsoq maluginiarparput, tamannalu navianarsinnaallunilu ajutoornernik ajoqusernernillu kinguneqaratarsinnaasoq, naammagittaalliuummi allassimavoq.
AKO Narsarmiutaq Nuummi Atuarfik Ukaliusamut (USK-imut) atassuteqarpoq, atuarfik taanna atuarfissamut Atuarfik Inussummut ataatsimuulertussaavoq.
Tassa atuarfik ammarpat. Nuummimi meeqqat 1000-it aasaanerata kingorna atualersinnaanissaminnut ulluni 14-ini utaqqeqqaassapput. Atuarfik Inussummi piffissamut pilersaarutaasumut naammassisinnaanngitsoq kommunip paasisimagaa sapaatip akunnerata siuliani saqqummiunneqarpoq.
Kommuneqarfik Sermersuulli meeqqat aasaanerani atuanngiffiup sivitsorneqarnerani sunngiffimmi atuareernerullu kingorna ornittakkat atuarfinnut Atuarfik Ukaliusamut (USK) aamma Atuarfik Samuel Kleinsmidtimut (ASK) atassuteqartut ammatinneqassasut oqaatigaa.
Tamannali angajoqqaanut 19-inut toqqissisimalersitsinngilaq.
Nakuusernerit napparsimmaviliarnerillu
Angajoqqaat eqimattat meeqqami nakuuserfigineqarsimaneri arlallit isornartorsiungaatsiarpaat.
Taakku oqarnerat naapertorlugu meeqqat arlallit nakuusernermik iliuuseqarnerit soorlu toqqusassiinerit timikkullu nakuusernerit ajornerpaamik pisoqarnerani meeqqat napparsimmaviliarnerannik kinguneqarsimapput.
- Meeqqatta toqqissisimanartuni illersuisunilu avatangiiseqarnissaat naatsorsuutigaarput, taama navianartunik nalaataqartarnerat akuersaarneqarsinnaanngilaq.
Taakku ornittakkani sulisut pissutsinik iluamik isumaginninngissoraat. Angajoqqaallu pisut pillugit paasissutissiiffigineqartannginnertik ernumassutigaat.
- Pisut ilungersunarluinnartut, meeqqatsinnut sunniuteqartut pillugit paasissutissiiffigineqarnatalu nalunaaruteqarfigineqanngilagut, angajoqqaat allapput.
Taakku ornittakkami meeqqanut atugassarititaasut pitsanngorsarnissaannut erngertumik suliniuteqartoqartariaqartoq piumasaraat.
KNR-imit angajoqqaanit eqimattanit apersuinissaq periarfissaasimanngilaq. Naammagittaalliummulli atsiortut ilaata nammineq angajoqqaaqatinilu sulinngittariaqanngikkunik meeqqatik ulluni 14-ini AKO-miitsinniarnagu suliffimminnut ilagisariaqartarsimallugit oqaatigaa.
Taakku ornittakkani sulisut pissutsinik iluamik isumaginninngissoraat. Angajoqqaallu pisut pillugit paasissutissiiffigineqartannginnertik ernumassutigaat.
- Pisut ilungersunarluinnartut, meeqqatsinnut sunniuteqartut pillugit paasissutissiiffigineqarnatalu nalunaaruteqarfigineqanngilagut, angajoqqaat allapput.
Taakku ornittakkami meeqqanut atugassarititaasut pitsanngorsarnissaannut erngertumik suliniuteqartoqartariaqartoq piumasaraat.
KNR-imit angajoqqaanit eqimattanit apersuinissaq periarfissaasimanngilaq. Naammagittaalliummulli atsiortut ilaata nammineq angajoqqaaqatinilu sulinngittariaqanngikkunik meeqqatik ulluni 14-ini AKO-miitsinniarnagu suliffimminnut ilagisariaqartarsimallugit oqaatigaa.
Kommune: Ulapippugut
Kommuneqarfik Sermersuumi atuarfeqarnermut immikkoortortami pisortap, Riiki Grønvoldip naammagittaalliuut iliuuseqarfigalugu KNR-imut allakkatigut akissutigaa.
- Angajoqqaat taama amerlatigisut Narsarmiutami pissutsit naammaginagit oqariartuuteqarnerat uggornarluinnarpoq. Meeqqat tamarmik toqqissisimanissaat angajoqqaallu meeqqaminnik ornittakkamukaassinissaminnut toqqissisimanissaat pissutigalugu meeqqat qaqugukkulluunniit nakkutigineqarnissaat isumaqatigaarput.
- Naammagittaalliuut tunngavigalugu pissutsit naammagittaalliuummi nassuiaatigineqartut pinaveersaartinneqarnissaat qulakkeerniarlugu Narsarmiutaq suleqatigalugu ornittakkami periusissiat misissorneqarput. Periusissiat taakku maanna atulersinneqarput, Riiki Grønvold oqarpoq.
Kommuneqarfik Sermersuumi atuarfeqarnermut immikkoortortami pisortap, Riiki Grønvoldip naammagittaalliuut iliuuseqarfigalugu KNR-imut allakkatigut akissutigaa.
- Angajoqqaat taama amerlatigisut Narsarmiutami pissutsit naammaginagit oqariartuuteqarnerat uggornarluinnarpoq. Meeqqat tamarmik toqqissisimanissaat angajoqqaallu meeqqaminnik ornittakkamukaassinissaminnut toqqissisimanissaat pissutigalugu meeqqat qaqugukkulluunniit nakkutigineqarnissaat isumaqatigaarput.
- Naammagittaalliuut tunngavigalugu pissutsit naammagittaalliuummi nassuiaatigineqartut pinaveersaartinneqarnissaat qulakkeerniarlugu Narsarmiutaq suleqatigalugu ornittakkami periusissiat misissorneqarput. Periusissiat taakku maanna atulersinneqarput, Riiki Grønvold oqarpoq.
Tamatuma saniatigut Kommuneqarfik Sermersuumi atuarfeqarnermut immikkoortortaminit allakkatigut akissuteqarfigineqarput, tassanilu meeqqat immikkut pisariaqartitsisut naatsorsuutigineqartumit amerlanerunerat pissutigalugu sulisut ulapittut allassimavoq.
Angajoqqaat allanik apeqqutissaqarunik ernumassuteqarunilluunniit Narsarmiutami aqutsisunut attaveqartassasut kommunimit naammattuuteqarfigineqarput.