Alluitsup Paata eqqaani umiatsiaq apormat arnaq ujaarineqarpoq
...Nutarterneqarpoq
Kalaallit Nunaanni politiit tallimanngornermi unnukkut qulinut tanneq arfineq marlunngortoq nalunaarfigineqarput, kujataani umiatsiaaqqamik ajunaartoqarsimasoq.
Kalaallit Nunaanni politiini pigaartoq Karl Sværd KNR-imut taama paasissutissiivoq.
Umiatsiami ilaasut angut taassumalu nulia nunaqarfiup Alluitsup Paata eqqaani nunamut aporput.
Umiatsiap nunamut apornerani angut annertuumik ajoquserpoq ilisimajunnaarlunilu.
Ilisimmaramilu nunamut niusinnaasimalluni.
Nulia maanna Issittumi Sakkutooqarfiup umiarsuaanik Hvidbjørnemik taassumalu helikopterianik Seahawkimik ujaarineqarpoq.
Alluitsup Paani qatserisartut ujaaseqataapput, angallat Targa aamma Issittumi Sakkutoqqarfiup timmisartua challenger arfininngornermi ujaaseqataapput
Angutip annertuumik ajoqusersimanera pillugu Nuummut ullumi aallarunneqarpoq.
Nulia suli nassaarineqanngilaq ujaarineqarneralu unitsinneqartoq politiini pigaartut pisortaat Søren Bendtsen arfininngornermi tallimat qaangerlugu tanneq pingasunngortoq taama paasissutissiivoq.
Issittumi sakkutooqarfik, politiit, Alluitsup Paani qatserisartut, ippassarli ujaasinermi peqataapput.