Allorfiup innersuussisoqarnerunera nuannaarutigigaa
Suut iluatsissinnaanersut iluatsisinnaanngitsulluunnit ilisimanngikkaanni pitsanngoriartoqarsinnaanngilaq. Allorfimmi pisortaq, Birgit V. Niclasen taama oqarpoq.
- Paasissutissanik ajunnginnerusunik pissarsinissaq pingaaruteqarpoq, taamattoqanngippammi ajunnginerusunik neqeroorutiliortoqarsinnaanngilaq.
Allorfiup nuna tamakkerlugu akeqanngitsumik aanngajaarniutinik pinngitsuuisinnaajunnaarnermut aningaasanoorajuttuunermullu katsorsartinneq isumagisarpaa.
Allorfik jannuarip qaammataani 2016-mi aallartimalli innutaasut tusintinik amerlanerusut katsorsartipput, taamani katsorsaaneq peqqinnissaqarfimmit Allorfimut nuunneqarpoq.
AAMMA ATUARUK Allorfik og banker arbejder sammen om at hjælpe ludomaner
Ukiumoortumik nalunaarusiaq sakkussaavoq pingaarutilik tassanimi erseqqissarneqarput, katsorsaanissamut neqerooruteqarnermi sanngiissutigineqartut nukittuffigineqartullu, Birgit V. Niclasen taama nassuiaateqarpoq.
- Ajornakusoortitarput tassaavoq, katsorsartissimasut katsorsartereernerminni aanngajaarniutinik atuisuunatik inuuneriligassaminnut silarsuarmu piviusumut ikaarsaariaqartarnerat.
Ikaarsaariartarnerup taassuma pitsaanerulernissaannut suliniuteqartoqarpoq, Birgit Niclasen oqaluttuarpoq taannalu tulluusimaarutigineqarpoq.
- Katsorsartinnissamut innersuunneqartut amerlerianerat tulluusimaarutigisorujussuuarput, tamatumami kingunerissusssaamagu maannakkut neqeroorutigisinnaagut allanik ilaneqarsinnaagamik, Birgit Niclasen oqarpoq.
Pingaarnerpaarlu tassaaavoq paasissutissat katersorneqartut ukimoortumik nalunaarusiamiittut.
- Tulluusimaarutigalugulu tanngassimaarutigisarput tassaavoq, paasissutissat kisitsitallit pisariaqartinneqartut pigileratsigit neqeroorutigisinnaasagullu takuneqarsinnaallutik.
Paasissutissanik katersuivitsinni takuneqarsinnaapput kikkut katsorsartinnersut aamma neqeroorutigineqartut sorliit
- Kikkut katsorsartinnersut neqeroorutigineqartullu sorliit atorneqarnersut takuneqarsinnaalerput. Paasissutissanik katersuivigut Data basit pingasut pigileratsigit.
Maanna Qaqortumi Nuummi Sismiuni Aasiannilu katsorsaavinnik peqalerpoq. Aasianni katsorsaavik pisortatigoortumik juulip ulluisa 24-anni ammarnersiorneqassaaq, Aasiani ingerlallualereerput, Birgit V. Niclasen oqaluttuarpoq.
Ilulissani katsorsaavissap piareersarneqarnera ammarneqarnissaalu Allorfimmit maanna sulissutigineqarpoq, naatsorsuutigineqarporlu aggutsip naalernerani septemberimiluunniit ammaanersiortoqarumaartoq.
