Trumpip Norge "nunapalaatut" oqalugiarnermini taagoraa

USA-p præsidentiata Donald Trumpip Norge, naalagaaffimmi Michiganimi qineqqusaarnermini "nunapalaatut“ sapaatiummat taavaa.

Norgemi nutaarsiassaqartitsivik NTB taama allappoq.

USA-p præsidentia inuit pisinnaatitaaffiinik inatsisileritooq Navi Pillay Afrika Kujallermeersoq Nobelip eqqissinermut nersornaasiuttagaanik qaammammi matumani siusinnerusukkut nersornaaserneqareersorlu taama oqarpoq.

Norgemi Nobelip ataatsimiititaliaata nersornaat tunniuttarpaa.

- Nobelip eqqissinermut nersornaasiuttagaa inummut ilisimaneqanngitsumut tunniunneqarpoq, taamaattumik Norge nuannarinngilara. Ilumoortumik Norge nuanninngilaq.

- Norge tassaalersimavoq nunapalaaq. Piviusoq oqaatigiinnarpara, Trump Michiganimi qineqqusaartitsinermi sapaatiummat taama oqarpoq. 

'Inuk nalunartoq'

Trumpip Norge eqqissinermut nersornaasiuttagaq pillugu aatsaat isornartorsiulinngilaa.

Trumpip, Pillay nersornaasigaasutut avammut nalunaarutigineqaqqammersoq, aalajangiineq Norgemut "inunnullu taama kanngunartigisumik peqqusiileqinartigisumillu aalajangiisimasunut" kanngunartuujuassasoq, oqarpoq. 

New Yorkimi Syracusemi qineqqusaartitsisoqarnerata nalaani taama oqarpoq.

Pillay inuttut nalunartutut siornatigut tusarnikuunngisaannarsimasamisut tassani aamma oqaluuseraa.

- Nobelip eqqissinermut nersornaasiuttagaa isumaliutersortartunit ingasattajaartunit tamat oqartussaaqataanerannut akerliusunit, tassaasut inuiaqatigiinnut akeraasunit naassaanngitsumik mingutsinneqarpoq. Tamannalu puigornavianngilarput, Norge, taanna New Yorkimi qineqqusaartitsisoqarnerani taama oqarpoq.

Akeqqersimaartut

Pillay 85-inik ukiulik FN-ip eqqartuussiviani, Nunat Tamalaat Eqqartuussivianni (ICJ), eqqartuussisuuvoq.

Haagimi Nunat Tamalaat Pinerluttulerinermik Eqqartuussivianni (ICC) siornatigut eqqartuussisuusimavoq.

USA Nobelip eqqissinermut nersornaasiuttagaata tunniunneqarneranit ICC-mut nalunaaquttap-akunnialui qaangiuttullu kinguneqartitsivoq.

Trumpip naalakkersuisoqarfia eqqartuussivik sivisuumik akeqqersimaarfigaat, eqqartuussisunullu unnerluussisunullu siornatigut kinguneqartitsereerput.

Politikeri Venezuelamiu María Corina Machado eqqissinermut nersornaammik siorna tunineqarpoq.

Trump qaammatini arlalinni nersornaammik pissarsiniarluni tunngavilersoreersorlu tamanna pivoq.

Machadop medaalia kuultiusoq nersornatisinermi tunniunneqartartoq, Trumpimut tunniutissallugu januaarimi aalajangerpaa.

Norgemi Nobelip ataatsimiititaliaata Nobelip nersornaasiuttagaa agguaanneqarsinnaannginnerarlugulu allanut tunniunneqarsinnaannginnerarpaa.

RITZAU