AldaRósi Marymut: Atuartut piniarnermut ilinniartinneqassapput
Inuusuttut tallimat meeqqat atuarfianneersut peqataapput, taakkualu ilaat Naalakkersuisut siulittaasuusaarluni, KNR-mut oqaluttuarpoq.
- Nunatsinni atuarfiit kinguarsimata, ilinniartitseriaatsit naleqqutinngitsorujussuupput.
Nuummeersoq AldaRós taama ersaritsigisumik oqarpoq.
Taamaammat inatsisiliorsimalluni aamma oqaluttuarpoq.
- Soorlu atuarnerup Kalaallit Nunaannut tulluarsarneqarnissaa, assersuutigalugu asimukarluni naatitsineq, uumasut imarmiut, nunamiut silaannarmiittullu ilisimatusarfigineqarnerullutik. Aamma fagit assigiinngitsut pinngortitamut naleqqussarlugit.
AAMMA ATUARUK Assit: Kunngissap nulia sialussuup ataani eqqakkanik katersisoq
Nunanit avannarlernit Issittumiillu inuusuttut 200-t Naalagaaffiit Peqatigiit nunarsuarmi anguniagaannut atatillugu inertortitsillutillu isumassarsiorfigisaannut peqataapput. AldaRósilu saqqummiissunut ilaavoq.
Saqqummiussassani toqqagassat pingasuupput: Nunarsuarmi peqqissutsip qanoq pitsanngorsarneqarsinnaanera, ilinnialernissamut pitsaanerusumik periarfissaqalernissaa, silallu pissusiata ilungersunartumik inissisimanera.
Saqqummiussisussallu pitsaasumik ilinniarneq toqqarsimagaat, AldaRós KNR-mut oqarpoq.
AAMMA ATUARUK Lanap Mary naasunik tunivaa: Assikkuinnaq takusarnikuuara
- Pingortitap Meeqqat atuarfiannit atorluarneqartalernissaa, soorlu atuartut atuakkat atuinnarnagit piniarneq nunamiinnerlu atornerulissagaat.
- Assersuutigalugu asimukarluni naatitsineq, uumasut imarmiut, nunamiut silaannarmiittullu ilisimatusarfigineqarnerullutik. Aamma fagit assigiinngitsut pinngortitamut naleqqussarlugit.
Unleash aaqqissuisuuvoq. Inuusuttut tassani Naalagaaffiit Peqatigiiit nunarsuami anguniagaannut naleqquttunik aaqqiissutissarsiorput.
AldaRósillu Facebookkikkut saqqummiussaq takugamiuk Unleash-mut ilaanissani aalajangiuppaa. Kunngissallu nulianut saqqummiisussanut ilanngukkami pissangasimalluni KNR-mut ilaatigut oqarpoq.
- Siullermik pissanganarpoq, siulliullunga saqqummiigama. Inuppassuit isaammata tupannarpoq, aamma assiliisorpassuugamik. Kisianni misigisaq alutornaqaaq.
Unleash
Inuusuttut peqataaffigisaat UNLEASH, nunarsuaq tamakkerlugu iluanaarniutaanngitsumik suliniut Nuummi aggustip 20-aniit 26-anut ingerlanneqarpoq.
Nunanit avannarlerneersut allat 200-t 18-35-nik ukiullit peqatigalugit FN-ip nunarsuarmiunut anguniaqqusaanut naapertuuttunik najukkani aporfinnik iluarsiiniarnernut tunngasunik suliaqarnissaminnut piareersarput.
Aamma Majli saqqummiisunut ilaavoq. Taanna aamma allanik siunnersuuteqarluni KNR-mut oqaluttuarpoq.
- Siunnersuutima ilagaat naqinnernut atuaasinnaanngitsunut appeq, imaluunniit atuffarlunnerusunut oqqarlunnerusunulluunniit toqqagassat soorlu aallarterlaat, aallartereernikut taava namminneq piginnaasatik aallaavigalugit ingerlariaqqissinnaallutik.
Majli kunngissap nulianut aamma saqqummiivoq, saqqummiileramilu pissangasimalluni oqaluttuarpoq.
Pissangasimaqisoq
- Marymut saqqummiigama uanga pissangarujussuarpunga, imaallunga; woow Kunngissap nulianut saqqummiivunga.
Majili aamma assigiinngitsunik allanik siunnersuuteqarpoq.
- Skemamiittussanik ujartuinikuuvugut, taava timip aalanerutinnissaa, taavalu ullutsinni atuartut qanoq ilikkagaqarnerusinnaanersut.
- Nipilersugaq appippat taava arlaannik susoqassaaq, soorlu silami arpanneq, klassimi aalalaarneq qitinnerluunniit. Soorlu tamakkuusinnaapput.
Kunngissap nulia Mary nunatsinnut tikeraarnini naggaserlugu Unichefimut pulaarpoq. Taanna Danmarkimut aqagu ingerlaqqissaaq.
