Assit: Kunngissap nulia sialussuup ataani eqqakkanik katersisoq
Atuareernerup kingorna ornittakkami Aqqalummi, qulingiluanik ukiulik, Inuuteq Suersaq piareerluinnarsimavoq. Taassumami Kunngissap nulia Mary tikilluaqqusussaavaa.
Taanna aamma tunissutissaqarpoq – titartagaq, nammineq titartakkani.
Kunngissap nulia, ullumi nalunaaqutaq ataatsimut qiteqquttoq Nuummut tikippoq. Taassuma atuareernerup kingorna ornittakkamut Inuuteq Suersaq pulaagassatut siullertut pilersaarutaaniippoq.
Meeqqat qulit kunngissap nulia peqatiginiarlugu siualuup ataani piareeqqapput. Taakku sissami plastikinik eqqagassanik katersissapput.
Nunarsuaq tamakkerlugu suliniaqatigiiffik, Verdensnaturfonden eqqakkanik plastikinik katersueqatigiinnissamut aaqqissuisuuvoq.
Qulingiluanik ukiulik, Petrine Kunngissap nulia suliaminik tuniniarlugu piareersimasoq. Taassuma Mary taskissaanik sanaassimavaa.
Titartagaq Maryp aamma pissaa.
Kunngissap nulia Mary atuareernerup kingorna ornittakkami Aqqalummi meeqqat issiaqatigigai
Maryp atuareernerup kingorna ornittakkamiit meeqqat qulit peqatigalugit nuutoqqap sissartaani sialuup ataani eqqakkanik katerseqatigiipput
Sissami eqqakkanik katersinermi kamik illuinnaq aamma iginneqarpoq
