Inuussutissarsiutit

Air Greenlandip Kangerlussuarmut timmisartuussisarnini taamaatiinnassagunaraa

Nuummi Ilulissanilu mittarfiit tallilerneqassappata, Air Greenlandip Kangerlussuarmit Danmarkimut timmisartuussisarnerminik ingerlatsiinnarnissaa ilimanaateqarpallaanngitsoq, aviisi Atugagdliutit ullumi saqqummersoq taama allaaserisaqarpoq.

Allattoq Jonas Fievé

maajip 25-at 2016 08:28

Nutserisoq Simon Uldum -

Timmisartortitseqatigiiffiup erseqqissaatigaa mittarfiliortiternermik pilersaarutip siunertaa tassaasoq, angalasut tikikkusutaannut timmisartuunnissaat, taamaammallu amerikamiut sakkutooqarfigisimasaannut timmisartuussisarnissaq tunngavissaarutissasoq.

- Ilaasut amerlassuserisartagaat ullumikkut takusartakkagut tunngavigissagutsigit, taakkua affaasa missaat Nuuliartuusarput kiisalu 20-25 procentit Ilulissiartuusarlutik. Kangerlussuarmi inuussutissarsiornikkut ineriartortitsinermik, umiarsuarnut takornariartaatinut umiarsualivimmik, akunnittarfimmik allanillu pisoqanngippat Kangerlussualiartartut ikinneerarsuanngussapput, Air Greenlandip pisortaanera Michael Højgaard Atuagagdliutinut taama oqarpoq.

Aamma atuaruk Kangerlussuaq pillugu isumaqatigiinnginneq

Aamma atuaruk Mittarfiit pillugit pilersaarut akuersissutigineqarpoq

Timmisartortitseqatigiiffik aamma isumaqarpoq aasaanerani ungasissumit
Kangerlussuarmut timmisartuussinernik immikkut ittunik immaqa ingerlataqartoqarsinnaassasoq, tamatumunngali peqatigitillugu aamma timmisartuussisarnerit ikilinerisigut mittarfeqarfiup ingerlatiinnarnissaa ilumut akilersinnaassanersoq apeqquserlugu.