Nutaarsiassaqartitsivik nutaaq www.sermitsiaq.AG-mik taaguuteqalissaaq, tassalu imaalerpoq, AG.gl matuneqassasoq.
- Sermitsiaq.gl amerlanerusunit takuniarneqartarpoq, taamaattumillu taasuma ineriartortinnissaa pissusissamisoortutut soorunami isigaarput. Aviisit kattuttariaqarnerat suli aalajanginngikkallaratsigu AG.gl nutaamik isikkoqalersinniarlugu suliniuteqareeraluarpuvut. Suliarli taanna maangaannassanngilaq, taannami sermitsiaq.AG-mi nutaamik allatut isikkuliinermi atorneqassaaq, Atuagagdliutini aaqqissuisuuneq, Inga Dora Gudmundsdóttir Markussen, oqarpoq.
Nutaamik iluseqarluni saqqummernissaq aappaagu marsimi pissasoq, Atuagagdliutit Sermitsiallu naatsorsuutigaat.
Uagut nittartagarput suli tassaavoq: www.knr.gl., KNR-illu nittartagaa januaarip sisamaanit nutaamik isikkoqalissaaq.