Afghanistanimi nunap sajunnerata kingunerisaanik inuit 600-t sinnerlugit ajunaarsimasut

Afghanistanip kangisinnerusortaani nunap sajunnerata kingorna inuit 622-t ajunaarsimapput.

Afghanistanip nunami namminermi ministeriaqarfianiit, Talibanimiit aqunneqartumi, oqaaseqartartoq taama nalunaaruteqartoq, Reuters paasissutissiivoq.

Taamatullu pisoqarnerani inuit 1500-t aqqunartitersimasut Reuters paasissutissiivoq. 

Inuit 500-t missaanniittut ajunaarsimasut, Aghanistanimi naalagaaffiup tv-qarfia Radio Television Afghanistan (RTA)-miit siornatigut nalunaarutigineqaraluarput. Tassani aamma inuit 1000-t missaanniittut aqqunartitersimasutut nalunaarutigineqarsimasut, Reuters allappoq.

Reuters BBC-lu sapaammi unnukkut allapput,  Afghanistanimi nuna  sajussimasoq tamannalu unnuap qeqqanngitsiartoq pisimasoq. 

Eqqugaasut annanniarneqarput

Tysklandimi nunarsuaq pillugit ilisimatusartut (GFZ) naapertorlugit, nunap sajunnera 10 kilometerit missaannik itissuseqarpoq, Reuters paasissutissiivoq. Nunap sajunnera 6,0-imik sakkortussuseqarpoq.

Pakistanip eqqaani qaqqaqarfimmi nunap sajunnerani inuit honnorujulikkaat ajunaarsimanissaat aarleqqutigineqartoq piffimmi atorfilittaniit atersineqanngitsuniit arlalinniit paasissutissiissutigineqarpoq

Nutaarsiassaqartitsivik BBC naapertorlugu, nunap sajunnerani inuit ajunaarsimasut Afghanistanillu kangisinnerusortaani pigisanik aseruatitertoqarsimasoq, Talibanit oqartussaanermik tigumminnittut, inuit attaveqatigiiffianni X-mi ataasinngornermi ullaakkut allasimapput.

- Tasamani atorfilittat najugaqartullu eqqugaasunik annaassiniaqataasut, aamma allaaserineqarput.

Nunallu ilaaniit annaassiniaasartut takkussuuttut, Talibanit oqartussaanermik tigumminnittut nalunaarutigaat.

/ritzau/