Aasianni GUmi ilinniartut Burundimi piitsunut katersinialerput

- Burundi ukioq kingulleq nunaqqatigiit sorsunnerannit inuit illui ikuallanneqarmata inoqutigiit amerlasuut angerlarsimaffeerupput nukappiaqqat pinngitsaalisaallutik sakkutuunngortinneqarput niviarsiaqqallu kinguaassiutimikkut atornerlunneqarlutik. Taakkuuppullu ilinniarnertuunngorniat atisanik aningaasanillu katersissukkumasaat.

- Katersuiniarnissatsinni atisaarniarfiit Aasianniittut suleqatigisinnaagutsigit atisanik takutitserusuppugut, ilinniartullu nipilersortartut unnussiulerutta atuarfimmi nipilersorsinnaanersut aperissamaarpagut. Taamaalilluta innuttaasut takkukkusuttut peqataanissaannik periarfississinnaavagut,

2.G-mi ilinniartut ilaat Marie Jensen taama oqarpoq. Taassuma ilanngullugu eqqaavaa ulloq ataaseq atuanngiffimmi ilinniartut suliffeqarfinni sulinerminni akissarsiaat katersaminnut ilanngunneqassasut.

Atuarfimmilu katersuiniarnissaminnut periarfissatik tamaasa atorlugit piareersarnerminni ulappunnerarput.