Politiit ullormut nalunaarutaat: Katerisimaarneq angummut pasillerneqarnermik kinguneqartoq
Kalaallit Nunaanni politiit Nuummi inissiami sisamanngornerup ualiani katerisimaarfiusumut, inuit majuartarfeqarfimmi nipituallaarnerat oqqannerallu pissutigalugu nalunaarutigineqarsimasumut, ornigupput.
- Inuppassuit tassaniipput politiinullu mianersuaalliorput, Heini Jacobsen tallimanngornermi ullaakkut Kalaallit Nunaanni Politiini pigaartut pisortaat oqaluttuarpoq.
Angutit najuuttut ilaat politiinut saassusseriarpoq kingornalu pisortat oqartussaatitaannik narrunarsaasutut unnerluutigineqarluni.
Angut tigusarineqarsimasoq, kingusinnerusukkulli sassartinneqarnani iperagaassimasoq, pigaartut naalagaat oqarpoq.
Assigiinngitsunik ulapputeqallattaaginnaavinneq
Tamatuma saniatigut ulloq assigiinnngitsunik suliassanik ulapputeqarfiusimasoq, pigaartut pisortaat oqarpoq.
Angerlarsimaffinni eqqissiviilliornerit, aalakoorpallaarlutik imminut paarisinnaanngitsut inuillu majuartarfeqarfinniitikkusunneqanngitsut, politiit orniguffigaat.
Pigaartut pisortaata pisut annerusumik oqaluttuarinagit ulloq ulapiffiusimanerarpaa.
