Aalisartut kattuffiat assit pillugit assuarinninnermut akuliuttoq
Jim Lyngvildip Great Greenlandimut puisit amiinik assilialiorneranut tunngatillugu assuarinninnermi ulloq ataaseq qaangiutinngitsoq pisoqaqqittarpoq.
Aalisartut piniartullu kattuffiat, KNAPK oqallinnermut ullumikkut ilannguppoq.
- KNAPK-p Great Greenland A/S-imik mattussiniartoqarnera tapersersunngilaa, tamanna piniartunut toqqaannartumik sunniuteqartussaammat, taakkumi aningaasatigut eqqomeqarsinnaapput, KNAPK-p siulittaasua, Nikkulaat Jeremiassen oqarpoq.
AAMMA ATUARUK Assit aalassassutaasut: Jim Lyngvild Ilulissani saqqummersitsinissaminut nangaalerpoq
Great Greenlandimit puisit amiinik ilusilersukkat pisiariumajunnaarneqarnissaanut atsiortitsineq sapaatip akunnerata siuliani aallartinneqarpoq. Atsiornernik katersineq change.org aqqutigalugu ingerlanneqarpoq, tamatumalu kinguneranik nunatsinni oqalliitingaatsiartoqalerpoq.
“Jim Lyngvildip Kalaallit Nunaanni inunnut takussutissiinissaa akuerinngilarput, taassuma suliai kulturitsitsinnut aammali anersaanut uumasunullu isiginninnitsinnut akerliusut assuaraagut. Tamanna uagut akuerisinnaanngilarput,” atsiornermik aallarniisoq change.org-imi allappoq.
Great Greenlandimit ilusilersukkat assilineqarneri
Tassangalu inuit Great Greenlandimit puisit amiinik atugaqarlutik assiminnik ikkussuillutik qisuariarneri Facebookikkut saqqummikaalerput.
Kalaallimmi piniartut amiutitik Great Greenlandimut tunisarpaat – tamannalu aningaasarsiutigaat. Great Greenlandimeersunillu pisiumajunnaarneq piniartunut eqquissasoq, atsiornernik akerliunermi tunngavilersuutigineqarpoq.
AAMMA ATUARUK Ivínguak Stork Høegh Great Greenlandip nioqqutaanik pisiumajunnaarniarneq pillugu: Annilaangavunga
Tamanna Great Greenlandip – tupaallaatigisassaanngitsumik – isumaqatigaa.
- Tamanna pitsaasuunngilaq, piniartortagummi eqqarsaatigisussaavagut, amminimmi inuussutissarsiuteqarput naggataagullu taakkununnga tussaaq, Preben Møller KNR-imut ippassaq oqarpoq.
Ussassaarutitsialaasoq
KNAPK aamma taama oqariartuuteqarpoq.
- KNAPK Great Greenlandip sulineranut akulerukkusunngilaq, kisiannili erseqqissarusullugu puisip amia isorliunerusunut nunaqarfinnullu, taamatummi illoqarfmni aamma qanoq pingaaruteqartigisoq. Puisip amia piniartorpassuamut aningaasatigut isaatitsinermut pingaaruteqarpoq, taamaasilluni nerisaqamermut aningaasarsiornermullu tapertaalluarluni.
- KNAPK-miit puisip amianut inuussutis- sarsiomikkut soqutigisaqarpoq, tassanilu piniartut ataavartumik tunisisinnaanerannut periarfissaasa qulakkeerneqarnissaat sumiiffinni amerlanerpaani pisariaqarmat, Nikkulaat Jeremiassen oqarpoq.
AAMMA ATUARUK Inuit aqqusinermi naapitatta isumagaat assigiinngitsut: Lyngvildip assilisai ilaasa akerlerigaat ilaasa ajorinngilluinnarpaat
- Great Greenland A/S-ip tamakkiisumik tatigaarput, aammalu tassunga atatillugu mianersortoqarnissaa kaammattuutigerusullugu, tassami suliffeqarfiup eqqissisimatinneqarnissaa pingaaruteqarmut.
Pisortap, Preben Møllerip oqarnera naapertorlugu assinik assuarinninneq aamma iluaqutisartaqarpoq.
- Jimip assilisai siornatigut misilittagaqarfigereerpagut malugaarpullu tamatuma kingorna tunisaqangaatsiarluta, tamanna avammut ussassaarutaalluartuuvoq, taanna oqarpoq.
Assit Ilulissani eqqumiitsulianik katersugaasivimmi marsip ulluisa 13-ianni saqqummersinneqassapput. Katersugaasiviup pisortartaavata, Mads Mitchellip Jum Lyngvild assilialiornissaanik noqqaaffigisaraa.