Aalisarneq Pillugu Siunnersuisoqatigiit: Inassutinik malinnippoq

Aalisarneq Pillugu Siunnersuisoqatigiilli siulittaasuat, Bent Sørensen, aalisarnermut naalakkersuisumut illersuisunut maanna ilannguppoq.

- Aalisarneq Pillugu Siunersuisoqatigiinni isumaqarpugut, siunnersuisoqatigiit isumatuumik inassutaasa ilaannik Karl-Kristian Kruse malinnissimasoq, soorlu aamma misigisugut taamatut taassuma aalajangiisimaneratigut aalisariutaatillit saarullinniarnermut akuusut taamatuttaarlu aamma inuiaqatigiit Kalaallit iluaquserneqarsimasut, Bent Sørensen oqarpoq.

Aamma atuaruk Demokraatit: Iluareqqusaarneruvoq

Pinngortitaleriffimmiit 2014-imi saarullittassat pillugit inassutit takkumatali Aalisarneq pillugu siunnersuisoqatigitiit isumaqatigiittut oqarput, Nunatta sineriaani saarullittassat amerlingaatsiarneqartariaqartut.

Tyskit aalisakkanik misissuisut, nunatsinneersut misissuisut kingorna uppernasisaannik, saarulliit amerleriarsimanerannik takunnissimanerat tamatumunnga tunuliaqutaavoq.

Taamaanna Siunnersuisoqatigiit Pinngortitaleriffik isumaqatiginagu saarullittassat amerlinissaannik inassuteqarput.

Aamma atuaruk Partiip inuusuttai: Kinguaassagut Krusep eqqarsaatiginngilai

Aamma taamaaliornikkut raajarniat ikiorusuppaat, saarulliimmi raajarpassuarnik nerisarput aamma amerlanerusunik saarullittassiinnikkut raajarniat raajakisaarnerani saarullinnialernissamik periarfississagaat, Bent Sørensen nassuiaavoq.

- Maannali saarullinnik atuipilunnermut Naalakkersuisunut ilaasortaq Karl-Kristian Kruse pisuutinneqarpoq, tamannali eqqoqqissaanngilaq, Bent Sørensen oqarpoq.

Aamma atuaruk Steen Lynge: Saarullittassanik qaffaaneq siunissami ajornartorsiutinik annertunernik pilersitsiinnassaaq