Nunatsinni inuit 25-t akissutisinissaminnut utaqqisut
Nualluummik coronavirusimik nunatsinni tunillatsissimasoq siulleq ataasinngornermi uppernarsarneqarpoq.
Innuttaasullu 25-t maanna nunatsinniittut nualluummik coronaviruseqarnerlutik ullumikkut paasisaqarfigissavaat.
AAMMA ATUARUK Nunatsinni inuk ataaseq coronavirusimik tunillatsissimasoq
Misissugassatut tigusat Danmarkimi Statens Serum Institutimut nassiunneqarput.
Tusagassiortunik ullut tamaasa katersortitsineq killiffianik paasissutissiiffiusassasoq
Naalakkersuisut sapaatip akunnerata siuliata naanerani nalunaarutigaat, coronavirusip killiffia pillugu ullut tamaasa paasissutissiisarniarlutik.
Tusagassiortunik katersortitsinissaq nalunaaqutaq ataatsimut pisassaaq, tamannalu radiukkut, tv-kkut knr.gl-ikkut facebookkikkullu malinnaaffigineqarsinnaassaaq.
AAMMA ATUARUK Angerlarsimaffimmi mattussaaqqaneq? Ima iliussaatit
Misissortissimasunut akissutissat pisortatigoortumik qaqugu saqqummiunneqassanersut suli nalunarallarpoq.
Coronavirusimik tunillatsissimanermut ersiuteqaruit najugarisanni peqqissaavimmut sianerlutit saaffiginnissaatit, tassanngaanniillu aalajangerneqassaaq qanoq pisoqassanersoq.
