Angerlarsimaffimmi mattussaaqqaneq? Ima iliussaatit
Coronavirus nunatsinnut ulloq marsip 13-iat annguppoq.
Naalakkersuisullu atasiinnarmik sukaterissuteqarput: Nunatta avataanut angalasimasut tamarmik ulluni 14-ini angerlarsimaffimminni mattuteqqassapput.
Coronavirusimik tuniluuttoqarnissaata killilersimaarnissaa matumani pilersaarutaasoq, nakorsaaneq, Henrik L. Hansen oqarpoq.
AAMMA ATUARUK Nunatsinni inuk ataaseq coronavirusimik tunillatsissimasoq
Qaquguli angerlarsimaffimmit aneqqusaajunnaarnissaq angerlarsimaffimmiillu aneqqusaajunnaarnermi qanoq ilioqqusaaneq paasiuminaappoq:
Angerlarsimaffimmit aneqqusaajunnaarneq suua?
Angerlarsimaffimmit aneqqusaajunnaarneq tassaavoq inuit tunillatsissimasut tunillatsissimasinnaasullu peqqissunit avissaarsimatinnissaat. Nakorsaaneqarfimmit tamatumani immikkortut pingasuupput: ’Angerlarsimaannarneq" angerlarsimaffimmi mattusimaneq aammalu angerlarsimatitaaneq’.
Immikkoortoq ’angerlarsimaannarneq’ amerlanerpaanut maanna atuuppoq. Tamanna inunnut nunatta avataanut angalasimasunut angerlaqqissimasunullu tamanut atuuppoq.
Taakku angerlarsimaannarnissaat, angerlarsimaffimmit anisarnissamut killilersimaarinissaat pulaartoqannginnissaallu innersuussutigineqarpoq.
AAMMA ATUARUK Nuummi inuit coronavirusip ernumatiginera pillugu: - Imminut paarineruvugut
Angerlarsimaffimi mattusimanerup ’angerlarsimaannarneq’ assigiinnangajappaa.
Taanna tunillatsissimasumik, tunillatsissimasutut pasitsaanneqartumik najugaqateqartunut imaluunniit tunillatsissimasutut pasitsaanneqartumik naapitaqarsimasunut atuuppoq.
Angerlarsimaffimmi mattusimanermi aamma angerlarsimaannartoqassaaq, pulaartoqaneersaartoqassaaq sapinngisamillu aninaveersaarluni.
Angerlarsimatitaaneq inunnut tunillatsissimasunut napparsimmavimmilu katsorsarneqartariaqanngitsunut atuuppoq. Angerlarsimatitaanermi angerlarsimaffik qimaqqusaanngilaq.
Angalanikuuvunga taava angerlarsimaannassaanga?
Nunanut angalasimanermi immikkoortut marluk ulluni 14-ini angerlarsimaannarnissamut pissutissaqartitsipput.
Immikkut ittumik aarlernaateqartut angalaffigisimagaanni tamanna ilungersunarnerpaavoq, taakkulu angerlarsimaannarnissaat innersuussutaalluni. Peqqinnissaqarfimmi utoqqarfiuniluunniit sulisuulluni nunanut aarlerinaateqartunut angalasimagaanni angerlarsimaannarnissaq piumasaqaataavoq.
Nunami allamiissimaguit - matumani Danmark ilanngullugu - taava Nakorsaaneqarfiup nunatsinnut tikeqqinninniit ulluni 14-ini angerlarsimaannarnissat innersuussutigaa.
Qanoq sivisutigisumik angerlarsimaffimmi mattusimasoqassava?
Coronavirusimut atatillugu ulluni 14-ini angerlarsimaffimmut mattunnissaq nalinginnaasuuvoq.
Nunatsinnut tikinnermit ullut 14-it angerlarsimaannartoqassaaq.
Angerlarsimaffimmi mattusimaguma susinnaavunga?
Angerlarsimasinnaavugut, kisianni pulaartoqarnaveersaarlutik inoqatinnullu qanillattornaveersaarlutit. Fjernsynersinnaavutit, spillersinnaavutit, atuakkamik atuarsinnaavutit igasinnaallutillu.
Anisinnaavutit, kisianni angerlarsimaffiup avataani inunnut qanillinaveersaarlutit. Qimmit aneerussinnaavat imaluunniit pisiniarsinnaallutit, kisianni pisortat angallassissutaanut ilaanaveersaassaatit, inoqarluarnerani pisiniarnaveersaassaatit aamma timigissartarfinnut, filmertarfinnut ataatsimoorfiusunullu ornigunnaveersaassaatit.
Tunillatsissimasoriguma qanoq iliussaanga?
Ersiutinik malugisaqaruit illoqafigisanni peqqinnissaqarfimmut sianissaatit. Taava tassanga susoqassanersoq aalajangerneqassaaq.
Tusarfik: Nakorsaaneqarfik, Paneeraq Noahsen.