1800-ngajaat aningaasaatikilliortut
Innuttaasup aningaasaatikilliortutut nalilineqarnissaanut 2017-imi killigitinneqartoq tassaavoq ukiumoortumik akileraarutit ilanngaatigereerlugit 77.000 koruunit missaannik isertitaqarneq.
Innuttaasullu 1792-it siorna aningaasaatikilliortutut nalilerneqarput, 2011-miillu taamatut naatsorsuisoqartalermalli aatsaat taama amerlatigipput.
Pingaartumik nunap immikkoortuini Qaanaami, Upernavimmi Tasiilamilu aningaasaatikilliortut amerlapput. Innuttaasummi quligaangata ataaseq 77.000 koruunit inorlugit ukiumut isertitaqartarpoq.
AAMMA ATUARUK Piitsuussutsimut killiliissummik aalajangiisoqarnissaa akuersissutigineqartoq
Naatsorsueqqissaartarfilli naapertorlugu aningaasaatikilliortutut nalilerneqarnissamut killigitinneqartoq nikeralaarsinnaavoq. Assersuutigalugu nammineq nerisassanik aalisarneq piniarnerlu, pingaartumik isorliunerusuni nerisassaqarniarnermut pingaaruteqartuusut ilanngunneqartanngimmata.
Tamatuma saniatigut aamma pisortanit tapiissutit assigiinngitsut isertitanut ilanngullugit naatsorneqarneq-ajorput, soorlu assersuutigalugit meeqqanut paaqqinnittarfinni akiligassaanngitsumik inissaqartitaanerit, allalli ilanngullugit naatsorsorneqartarput, soorlu inissiani attartortittakkani ineqarnermut tapiissutit.
AAMMA ATUARUK De økonomisk udsatte bør gøre mere selv
Nunatsinni piitsuussutsimut pisortatigoortumik killiliussaqanngilaq, taamaammat aningaasaatikilliortut pineqartarput. Inatsisartulli ukiaanerani ataatsimiinneranni aalajangerneqarpoq nunatsinni piitsuussutsimut killiliussaqalissasoq.
Piitsuussutsip qanoq atugaatigineranut uuttuutissanik anguniagassallu immikkut ittut pillugit 2019-imit suliaqartoqassaaq.
AAMMA ATUARUK Inuttut ajornartorsiuteqartut ikiorneqartariaqarput