Kujataani saarullinniarneq ajornartorsiorfiusoq
Sinerissap qanittuani saarulleqarpallaanngilaq, Paamiullu avannaatungaani Sioqqani sinerissap qanittuani saarullinnik ukiuni kingullerni saarulleqarsimanngitsoq, Royal Greenlandimi ingerlatsinermut pisortaq nassuiaavoq.
Kalaallit Nunaanni naatsorsueqqissaartarfik naapertorlugu ukiup aallartinneranit qaammatit siulliit arfinillit saarulliit tunisat affaannaat tassa 2015-imi 2016-imilu piffissap taamaalineranituullu tulaanneqarsimapput.
- Saarullinnik tunisisoqarpiannginnerunera Nanortalimmi Qaqortumilu fabrikkitsinni malugisinnaavarput, Arctic Prime Fisheriesimeersoq, Hentzar Petersen Sermitsiamut oqarpoq.
AAMMA ATUARUK Pinngortitaleriffik saarulliit pillugit ilisimasaqarnerorusuttoq
Taamaattoq sinerissap avataani misileraalluni saarullinniartoqarpoq, saarulliillu avannarparternerusimasut avannaamiunit maluginiarneqarpoq.
Saarulleqassusaq innarlerumagu qanoq saarullinniartoqatigissanersoq suli akerleriissutaaqaaq. Biologit kaammattuineranni 20.000 tonsit missaat sarullittassiissutigineqaraluarput, Naalakkersuisulli 57.500 tonsit tassa kaammattuutigineqartunit pingasoruaammik amerlanernik pisassiipput.
