Pinngortitaleriffik saarulliit pillugit ilisimasaqarnerorusuttoq

Ilisimatusartartut arlalissuit Sverigemeersut, Norgemeersut, Islandimeersut, Savalimmiuneersut, Danmarkimeersut nunatsinneersullu misilittakkatik pillugit Pinngortitaleriffimmi sisamanngorpat tungaanut katersuuttussat saarulliit oqallisigisussanngorpaat.

Saarulliit nunatta imartaaniittut sumiiffinni assigiinngitsuneersuusarput. Soorlu saarullik kitaani pisarineqartoq Tunumeersuusinnaavoq.

Taamaattumik pingaartumik sinerissap qanittuiniittartunik saarulliit imartanit assigiinngitsuneersuunertik peqqutigalugu kingornuttakkamikkut assigiinngissuteqartunik aalisartoqartarpoq.

Saarulliit pillugit misissuiniarnerit ajornakusoorsinnaasarput eqqortunillu pisassiiniarneq unammilligassaqartarluni.

AAMMA ATUARUK Dana Bankemi saarullinniarneq matuneqarallartoq

Saarulliit pillugit Pinngortitalerfimmeersut ilisimatusartarnerinit inernerit maannamut takutippaat saarulliit Kalaallit Nunaata imartaaniittartut Nunatta imartaani sumiiffinni assigiinngitsuni suffiaasartunik akuleraartuusut - allaat ilaat Islandip imartaani suffiarineqarsimasunik akoqarsinnaasarlutik.

Aalisagaqatigiiaanik assigiinngitsunik toqqammaveqartumik aalisartitsisarnernik aqutseriaatsit pillugit isumattorsaqatigiissitsinissaq Pinngortitaleriffimmeersunit aaqqissuunneqarpoq, Nordisk Rådillu ataani Avannaamioqatigiit aalisarnermi ilisimatusarnerit pillugit suleqatigiissitaanit Nordenimit aningaasalersorneqarluni

AAMMA ATUARUK Pinngortitaleriffik saarulliit pillugit ilisimasakippoq

AAMMA ATUARUK Saarullittassiinermi siunissaq ungasinnerusoq eqqarsaatigineqanngilaq