Tasiilami mittarfittaarnissaq utaqqisinneqassasoq

Tasiilami mittarfiup Kalaallit Airports A/S-ip suliaanut ilaannginnera Justus Hansenip tupigusuutigaa.
Tasiilami mittarfiliunnginnermut suli misissuisoqarnissaa tamatumunnga pissutaasoq, attaveqaqatigiinnermut naalakkersuisuusimasoq, Muté Bourup Egede akissummini allappoq.
- Nuummi, lIulissani Qaqortumilu suliassanut najoqqutassat amerlangaatsiartut piareersimasut naliliisoqarpoq.
Kisiannili Tasiilami Ittoqqortoormiinilu suliassat misissuiffigineqanngingajassimapput, Muté Bourup Egede akissutimini allappoq.
Mittarfilli sulissutigineqartoq, ilaatigullu mittarfissap inissisimaffigisinnaasai pillugit misissuisoqarsimasoq naalakkersuisoq nassuiaavoq. Misissueqqaarnerit ukioq manna aappaaguluunniit naammassineqarnissaat, Muté Bourup Egedep naatsorsuutigaa.
AAMMA ATUARUK Aningaasaliissutissat nalornissutigineqartut