Justus Hansen: Demokraatit kinguariarput
Tamannali partiip Demokraatit politikkikkut kinguariarneranik oqaatigineqarsinnaasoq, Demokraatit sinnerlugit Inatsisartunut ilaasortap, Justus Hansenip oqaatigaa.
- Politikkikkut sunniuteqarluartarnissatsinnik anguniagaqarnissarput soqutigisaraara annertuumik. Tassami taama periuseqartarnerput ilaasortatta piumasaraat. Taamaattumik tupaallappunga aningaasaqarnermut aatsitassanullu oqartussaqarfiit, Vittus Qujaukitsumut tunniunneqarsimasut.
AAMMA ATUARUK Aningaasaqarneq aatsitassaqarnerlu Demokraatinut annertuallaarsimapput
Justus Hansen oqarpoq tusareerlugu nutaatut naalakkersuisunngortup, Randi Vestergaard Evaldsenip KNR-imut ullumi oqaatigisaa imaattoq.
- Aningaasanut inatsisissaq aappaagumoortoq pillugu isumaqatigiinniarnerit ingerlatillugit pitsaanerusorigatsigut tamanna misilittagaqareersumut tunniukkutigu pitsaanerpaasoq. Randi Vestergaard Evaldsen KNR-imut ullumi taama oqarpoq.
Aamma atuaruk VIDEO Qujaukitsup aningaasanut inatsisissaq iluatsinniassavaa
Justus Hanseni isumaqarpoq, aningaasaqarnermut aatsitassanullu naalakkersuisup, Andreas Uldumip napparsimalluni sulinngiffeqarnerata kinguneranik, Naalakkersuisunik nikisiterineq tukattumik ingerlanneqarsimasoq. Justus Hansenillu apeqquserpaa, aningaasanut aatsitassanullu naalakkersuisoqarfik Demokraatinit allamut partiimut tunniunneqarneri.
- Oqartussaqarfiit pingaaruteqartut partiimut allamut tunniunneqarneranni parteerput maanna nukilaallisinneqarpoq.
Demokraatit sinnerlugit Inatsisartunut ilaasortaq, Justus Hansen taama KNR-imut oqarpoq.
AAMMA ATUARUK Illuatungiliuttut: Naalakkersuisut amerlinerat torrallaanerunngilaq
Aningaasanut inatsisissatut siunnersuut Inatsisartuni aappassaaneerneqassaaq novembarip aqqarnganni pingajussaaneerneqassalluni novembarip 20-anni.