Bjørn Lomborg toqqakkanut ilaavoq

Tuluit aviisiata The Cuardian-ip danskeq isummersortarnermigut aalassatitsisartoq avatangiisit pillugit ilisimatooq Bjørn Lomborg, inuit 50-t silaannaap allanngoriartorneranik annaassisinnaasutut toqqarneqarsimasut akorngannut ilaatissimagaat, aviip jyllands-Postenip nittartagaani allaaserineqarpoq.

Lomborgip ilisimaneqaatigaa, inuit namminneq piliaannik silaannarmik allanngortitsiartornermik apeqqusiisarnini.

Inuit 50-t toqqartukkat akornanni ilaatigut ilaatinneqarput Tysklandip ministeriunera Angela Merkel, amerikamilu vicepræsidentiusimasoq Al Gore, Londonip borgmesteria Ken Livingstone kiisalu filmiliaritittartoq tusaamasaq Leonardo di Caprio.

Inunnut 50-inut immikkut toqqartukkanut taamatut ilanngutitsinermi kinaluunniit asuli ilanngutsiinnarneqarsinnaanngilaq. Tassami taamatut aalajangiisartut ilaatigut tassaapput Bob Watson taanna FN-ip ataani silaannarmut tunngassuteqartunut oqaasissaqartuuvoq.