Lethip EU-mut ilaasortanngoqqinnissaq isumaliutigeqqeqqugaa
Nunatta EU-mut ilaasortanngoqqinnissani eqqarsaatigisariaqarpaa.
Polar Seafoodimi siulittaasuni siulittaasoq Sulisitsisunilu siulittaasoq Henrik Leth.
Allattoq Jonas Fievé
maajip 25-at 2016 16:24
Nutserisoq Connie Fontain
Aviis AG ullumi saqqummersoq naapertorlugu Polar Seafoodip bestyrelseani siulittaasoq, sulisitsisullu peqatigiiffianni siulittaasoq Henrik Leth taama oqarpoq.
Tuluit nunaat europami suleqatigiiffimmiiginnassanerlutik, juunimi taasinnginneranni taama nalunaaruteqarneq pivoq.
- Suut pitsaaqutaanerat pitsaanngequtaanerallu misissortariaqarpavut. Ingiinnarluta EU-mi ilaasortanngoqqinnaviannginnitsinnik oqaluinnarsinnaanngilagut, BBC-mut Daily Mailimullu Henrik Leth oqartoq, AG allappoq.
Nunarput maannakkumut kisiartaalluni 1985-imi EU-miit aninikuummat maannakkut tuluit tusagassiortui nunatsinniipput paaserusullugu EF-imut ilaasortaajunnaarnerup kingorna suut nunatsinnut sunniutaasimanersut.
