WHO: Coronamik toqquteqartut 2 millioninngoreerpata akiuussutissaqalissaaq
Coronavirusimik tunillatsissimallutik toqusut 2 millionit sinnerpatigit aatsaat akiuussutissamik kikkunut tamanut atorneqarsinnaasumik nassaartoqarnissaa ilimanaateqartorujussuuvoq, Naalagaaffiit Peqatigiit peqqissuunissaq pillugu suleqatigiiffiat, WHO, taama nalunaaruteqarpoq.
AAMMA ATUARUK Danmarkimi tunillatsissimasut aatsaat taama amerlatigisut: Coronavirusimik tunillatsittut nutaat 678-it uppernarsarneqartut
Nunarsuaq tamakkerlugu coronavirusimik tunillatsissimallutik ullumikkut toqquteqartut marloriaataannik amerlassusillit sinnerpatigit akiuussutissamik nassaartoqarnissaa ilimagineqarpoq. Ilisimatusarfimmilu John Hopkins Universitetmi nalunaarsorneqarsimasut naperlugit coronavirusimik toqquteqartut maannamut 984.278-upput.
Nunarsuaq tamakkerlugu inuit 32,3 millionit coronavirusip tuniluutilerneraniilli tunnillatsissimasut, John Hopkins Universitymit nalunaarutigineqarpoq.
WHO-mi ajornartoortoqartillugu immikkoortortaqarfimmi pisortap, Mike Ryanip, Europami pissutsit isumakulunnarnerarlugit tallimanngormat oqarpoq.
- Pissutsit patajaallisinneqarnissaannut tuniluunnerullu siaruaanerata nakkutigineqarnissaanut Europa suliassaqaqaaq, Mike Ryan oqarpoq nangillunilu:
Nunap immikkoortuani angisoorujussuarmi tuniluunnerup taama qaffatsigisimanera isumakulunnartorujussuartut isigaarput. Mike Ryan oqarpoq.