VIDEO: Innersuussutit malippigit? Assavit asannissaat ilinniaruk
Qanoq akulikitsigisumik minutti ataaseq asattarpit?
Immaqa qaqutiguunerusoq, immaqa taava taamaaliortalersinnaavutit.
Oqartussat innersuussutini qassiiusuni eqqiluisaarnerusoqarnissaa sapaatini-akunnerni qassiiusuni innersuussutigaat.
Tamanana coronaviruseqalernissamut pinaveersaartitsineruvoq.
Assalli eqqortumik qanoq asanneqartarnissaat nalunngiliuk? Peqqinnissaqarfik videoliorpoq, taamaalilluni tamanna kikkunnit tamanit ilikkarneqarsinnaassalluni.
Tangajornerit quersornerilluunniit tamarmik kingornatigut assaat imermik qaqorsaammillu errortortoqartarnissaa Nakorsaaneqarfiup innersuussutigaa. Kakkissarfimmik atugaqareeruit, perusuersartarfimmeereerit, nerileruit, angerlamullu iseruit.
Innersuussutit malinneratigut aattortinnissap aarlerinarnera annikillisissinnaavat minnerunngitsumillu - allanut tunillaanissat annikinnerulersissinnaallugu.
Napparsimmavimmut pulaarnerit killilersimaakkit
Napparsimasunut inunnullu sanngiinnerusunut tunillaanissap immikkut aarlerinarnerunerata mianersuunnissaa pingaaruteqarpoq.
Taamaammat napparsimmavinnut, peqqissaavinnut nakorsiartitsivinnullu nalinginnaasumik pulaartartut killilersimaaneqarnissaat nakorsaanerup innersuussutigaa. Matumani napparsimasumut qaninnerpaajusut nunatta napparsimmaviini uninngasunut pulaartarnissaat innersuussutigineqarpoq.
Ersiutinik malugisaqaruit sumiiffigisanni peqqinnissaqarfimmut sianissaatit, tassangalu susoqassanersoq aalajangerneqassaaq.
