Politikki Inuussutissarsiutit

VIDEO Qujaukitsoq: Takornariat arfernik takorusukkunik Maniitsuliarlik

Arfernik takorusuttut Maniitsuliassapput. Nuummi takornariartsitsinermik inuussutissarsiortut inuussutissarsiornermik naalakkersuisumit taama ersaritsigisumik oqarfigineqarput, tassalu tapersersorneqarnisamik ilimasussinnaanngillat.

Allattoq Jonas Løvschall-Wedel

juunip 10-at 2016 15:59

Nutserisoq Jens Thorin

Mittarfiliornikkut Nuuk takornariariartitsinermi soqutiginarsarniarneqaraluarpoq, arferilli tamaaniittaraluartut pilerisaataajunnarput, Naalakkersuisullu takornariartitsisarnermik inuussutissarsiortunik illersuisuussanngillat.

- Nuup Kangerlua immikkuullaareqqissaartumik piffissami aalajangersimasumi imaalippat aferit uagut takutikkusukkatsigit piniarneqassannginnerannik oqartoqarnera uanga peqataaffigisinnaanngilara, Vuttus Qujaukitsoq ippassaq oqallinnermi oqarpoq.

Touring Greenlandimi piginneqataaasup Jon Kroghip Naalakkeersuisut taamannak isummernerat uggoraa.

- Taamaannera soorunami ajuusaarnaraara. Siullermik inuussutissarsiutitta kangerlummi umiarsianut marlunnut assersuunneqarnera soorunami ajuusaarnarpoq, tassami amerlaaluppugut, aningaasarpaalussuarnik isaatitsisut.

- Aappaattut oqarusuppunga, qipoqqarnik ukiuni 54-inik piniartarsimanngilagut, tassalu inuussutissarsiummik allannguisoqassanngilaq. Ukiup sisamat matuma siorna pisassiisoqarpoq, taava qipoqqaat sisamat tamaaniittuartut siulliullugit pisarineqarput, Jon Krogh oqarpoq.

Aamma atuaruk Nunanit allaneersut tikisinneqartariaqassasut

Qujaukitsulli inuussutissarsiortut isiginiagaasa annerunissaat ujartorpaa, arfernillu sumi takuniaatitsisarnissap pissaanerunera eqqarsaatigineqartariaqartoq isumaqarluni.

- Maniitsup illoqarfianiit qipoqqqaat 30-it ullup ingerlanerani takuneqarsinnaasarput. Taamaasilluni Maniitsoq illoqarfinnut allanut sanilliullugu qipoqqaat assersuutigalugit takusassarsiorfigissallugu pissusissamisoorneruvoq, naalakkersuisoq oqarpoq.

Aamma atuaruk Takornariaqarneq illersorneqartariaqartoq

Jon Krogh-illi siunissami ila takornariaqarnerulertiginissaa ilimagaa, Maniitsumi Nuummilu ulapputtoqalissalluni, taakkualu arlariillutik arfernik takornarnianik tikinneqarnissamut pilerilersitsikutsoorsinnaasut.

- Taamaammat Nuummi arfernik takornarniarsitsisinnaajunnaarluni, Maniitsumukartitsisalernissamik oqalunneq, aningaasarsiorniaraanni sianiilliorneruvoq, jon Krogh oqarpoq.

Aamma atuaruk Angalatitsisartoq najukkami suliniutinik ujartuisoq

Allaaserisap qulaani Qulaarpaami oqallinnerup ilaa takusinnaavat, ataanilu oqallinneq tamaat takusinnaallugu.