- Suliffeqarfissuit niuernermik aallussallit Issittumi niuerutissanik assartuinermut aqqummut  soqutiginartunilluunniit sermersuup ataaniittunik aatsitassarsiornermut salliutitaanissaminnut aningaasaleerujussuartarput, Venstrep Issittumut tunngasunik oqaaseqartartua oqarpoq.Assi: Raul Mee (EU2017EE)/Flickr

Venstrep Issittumut oqaaseqartartortaava: Issittoq eqqissisimanartuujunnaarpoq

Danmarkip Issittumi ineriartortitsinermut sulissuteqarnermini iliuuserisariaqagai sorsuutigisariaqagaalu amerlapput. Venstrep Issittumut tunngasunik oqaaseqartartortaava, Kristian Jensen, taama isumaqarpoq.

- Nunani allani Issittup eqqaaniittuni pissutsit piviusut Issittup eqqissisimanartuuneranik allatut ajornartumik nalilersueqqittariaqarnitsinnut tunngaviupput.

Venstrep Issittumut tunngasunik oqaaseqartartuata, Kristian Jensenip, Danmarkip Issittumi pissaaneqarniuunnermi suliaqarnerminik annertusaasariaqarnera pillugu nittartakkakkut nutaarsiassaqartitsivikkut Ræsonikkut sisamanngornermi oqaaseqaatimini tamanna oqariartuutigaa. Danmarkimi taamaaliunngikkuni kalaallit inuiaqatigiit ilaginnassagai, Kristian Jensen isumaqarpoq.

Issittoq - nunat allat tatigeqatigiinngikkaluarlutik isumaqatigiissusioqatigiinnissaannut tunngaviusartoq - sakkutooqarnerulersitsiffiunngitsumik eqqissisimanartutut isigineqartuarsinnarnissaa qallunaanit ukiorpassuarni pingaartinneqarpoq.

Eqqissisimanartutulli isigineqarnera maanna qaangiuppasittoq, Kristian Jensen allappoq.

Nunat allat Issittumut appakaannerat piviusuuvoq

- Issittummi soqutiginnittorpassuarnit maanna salliunneqarnerpaaleruttornera piviusuuvoq. Naalagaaffeeqqammi soorlu Naalagaaffeqatigiittut ittut nunallu pissaanilissuit soorlu USA, Rusland Kinalu Issittumi soqutigisaminnik ujartuipput.

AAMMA ATUARUK Venstre får ordfører for Arktis

- Suliffeqarfissuillu niuernermik aallussallit Issittumi niuerutissanik assartuinermut aqqummut  soqutiginartunilluunniit sermersuup ataaniittunik aatsitassarsiornermut salliutitaanissaminnut aningaasaleerujussuartarput, Venstrep Issittumut tunngasunik oqaaseqartartua oqarpoq.

Tamannalu danskit Kalaallit Nunaannik nunanut allanut politikkiminni qitiutitsilernerannut tunngaviusoraa.

Danmark nunarpullu pissaanikinnerusut

Danmarkili - ingammillu Kalaallit Nunaat - USA-mut, Ruslandimut amerlasuutigullu Canadamut sanilliullugit pissaanikinnerupput.

Issittumimi nunat allat Kalaallit Nunaannik salliussinissaminnut piumasssuseqarujussuanngillat. Taamaattumik Naalagaaffeqatigiinnerup ukiunut tulliuttunut pingaartitaanut - Ruslandip danskit kissaataannut naapertuutissagunanngitsunik pingaartitaqarluni Issittumi Siunnersuisooqatigiinni 2021-mi siulersuisunngornissaata tungaanut - tapersiisoqarnissaa pingaaruteqartoq, Kristian Jensen, isumaqarpoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat