Venstre nunatsinnut tunngasunik oqaaseqartartua taarsissasoq

Partiimit nunatsinnut tunngasunut oqaaseqartartuusimasup, Marcus Knuthip Venstremit anilluni De Konservatinut ullumi ilanngunneranik tamanna pissuteqarpoq.

Marcus Knuthip partiimut allamut nuunneranut nunatsinnut attuumassuteqanngilaq.

Marcus Knuthip partiimut allamut nuunnini Venstrep nunanit allaneersunut politikkianut tunngasuunerarlugu tunngavilersorpaa.

- Unammillissutigisara tassaavoq allamiunut politikki akisussaassuseqartumik sukangasoq Danmarkimut qulakkeerisoq.

AAMMA ATUARUK Naalagaaffeqatigiit pillugit ministereqartariaqarpugut

- Kisianni misigisimavunga kikkut danskisut innuttaassuseqalernissaannut, nunasiartortunut nunamilu allamiut pinerluuteqartartunik anisitsinissamut tunngatillugu suli sukanganerusumik iliuuseqarnissannut piffissaasoq, Marcus Knuth oqarpoq.

Marcus Knuthip nunatsinnut tunngasunik oqaaseqartartuunermini naalagaaffeqatigiinnut pingaartumik sammisaqartumik ministereqartariaqarnerarpaa.

- Nunanut avannarlernut suleqatigiinnermut ministerimut assingusumik, Marcus Knuth maajimi ukioq manna oqarpoq.

Kina nunatsinnut tunngasunut Venstremiit oqaaseqartartunngussanersoq Venstrep suli nalunaarutiginngilaa.