Pituffimmi kiffartuussinissamik isumaqatigissutip eqqartuussisunut suliassanngorteqinneqarnissaa USA-mi isumaliutigineqarpoq
Pituffimmi kiffartuussinissamik isumaqatigiissut pillugu USA-mi eqqartuussivimmi aalajangerneq USA-mi illersornissaqarfimmit suliassanngorteqqinneqarnissa isumaliutigineqarpoq.
Amerikamiut sakkutuuvisa timmisartortartui, qarasaasiatigut aviisimut Politiken-imut allagaqarlutik nalunaarutigaat, Pituffimmi kiffartuussinissamik isumaqatigiissutip atorsinnaannginneranik USA-mi eqqartuussivimmi US Court of Federal Claims-imi sapaatip akunneri pingasut matuma siornatigut aalajangiunneqartup suliassanngorteqqinneqarnissaa akuersaarsinnaallugu.
Aamma atuaruk Pituffimmi kiffartuussinissamik isumaqatigiissutip annaaneqarnera
Eqqartuussivimmi aalajangerneq aalajangiusimaneqarpoq, tassalu amerikamiut sakkutuuvisa timmisartortartui kukkusumik iliorsimapput , Pituffimmi kiffartuussinissamik isumaqatigiissut 2,4 milliarder koruuninik akilerlugu amerikamiut suliffeqarfiutaannut sipaarniuteqarlutik akuerissussitigisimammassuk.
Eqqartuussiviup aalajangiinera naapertorlugu kiffartuussinissamik isumaqatigiissut, USA-p Danmarkip/Kalaallit nunaatalu akornanni illersornissamut isumaqatigiissut naapertorlugu suliffeqarfimmut danskit kalaallilluunniit pigisaannut akuersissutigineqartussaagaluarpoq.
Pineqartoq pillugu USA siullermeerluni oqaaseqarpoq.
- Misissuivugut taamanilu pisut pillugit periarfissat assigiinngitsut pillugit nalilersuilluta. Piffissami qaninnerpaami aalajangiisoqarnissaa naatsorsuutigaarput, amerikamiut sakkutuuisa timmisartortuini oqaaseqartinneqartartoq kaptajn AnnMarie Annicelli oqarpoq.
Aamma atuaruk Aviisi: Pituffimmi sakkutooqarfiup eqqartuussivimmit inerniliiffigineqarnera tupaallannartumik erseqqittoq
Pineqartoq pillugu Greenland Contractors imaluunniit Exelis oqaaseqarusunngillat, amerikamiut sakkutuuvisa timmisartortartui aalajangiitinnagit.
Greenland Contractorsimik kiffartuussinissamik isumaqatigiissut 30 septemberimut killeqarpoq, Maannakkullu ilisimaneqanngilaq isumaqatigiissut atorunnaarpat kikkut sullissilerumaarnersut aamma Pituffimmi sulisorineqartut 370usut qanoq pineqassanersut.
Annmarie Annicelli oqarpoq, sakkutuut timmisartortuisa maanna pissutsit isumaliutigigaat piffissamilu qanittumi aalajangiisoqarumaartoq