Danskit illersornissaqarfiata timmisartumik F-35-mik tikisitsinissaa kinguartittoq
Sakkutuut timmisartuanik Danmarkimut februaarimi tikiussisoqarnissaa pilersaarutaagaluarpoq, timmisartulli taassuma assinganik nakkartoqarsimammat tikiunneqarnissaa kinguartinneqarpoq.
Danskit illersornissaqarfiata timmisartussaata F-35-t tikinnissaat kinguaattoorput, timmisartut taakkua assingat USA-mi nakkarsimammat.
Allattoq Helle Nørrelund Sørensen, Ritzau
januaarip 10-at 2023 09:22
Nutserisoq Else Olsvig
Sakkutuut timmisartuata suluusallip F-35-p, nunatsinni Savalimmiunilu siunissami atorneqartussap assinga, USA-mi nakkarmat, danskit illersornissaqarfiata F-35-nik katillugit 27-nik USA-mit tikisitsinissaa kinguaattoorpoq.
Danskit illersornissaqarfiata atortunut pisiortornermullu immikkoortua taama nalunaaruteqarpoq.
AAMMA ATUARUK Timmisartut malersuutit Kalaallit Nunaanni inissinneqarsinnaanissaat mattunneqanngilaq
F-35-p USA-mi nakkarneranut peqqutaasut timmisartumik tassannga sanaartortunit Locheed Martinikkunnit misissorneqarput.
Sorsuut F-35 nakkalermat taassuma aquttua timmisartumit igeriussinnaasimavoq annallunilu.
F-35-t danskit illersornissaqarfiata sorsuutaanut F-16-inut pisoqalisunut taartaassapput.
