Ukaleq Slettemark Slovenienimi normu 6-inngorpoq
Sisoraaserluni ooqattaasartoq, Ukaleq Slettemark Slovenienimi IBU junior Cupimi arfininngornermi normu 6-inngorpoq.
Allattoq Paninnguaq Steenholdt
Ukaleq Slettemark, ooqattaasarnermi ataasiarluni uniorpoq, unamminerlu marloriarluni kaajallaanermi sukkanersat ilaanniilluni. Kaajallaanermilu kingullermi kingullinnguallappoq, peqataasunilu 118-iusuni normu 6-inngorlunilu.
Ajugaasumit 32 sekundinik kigaannerullaarluni.
Sisoraaserluni ooqattaasartup, Ukaleq Slettemarkip junior cuppimi maannamut angusai pitsaanerpaapput. 8 sekundinik normu 3-nngortumut kigaannerulaarluni.
18-inik ukiulik, Ukaleq Slettemark IBU Senior Cupimi decembarip aallartinnerani normu 10-nngorpoq.