Ukaleq Slettemark Norges Cuppimi ajugaasoq
Arnat inersimasut sisoraaserluni ooqattaasarnermi Norgemi pissartanngorniunnerat tallimanngormat ingerlanneqarmat normu 19-inngornermi kingorna Ukaleq Slettemark Norgemi 17-inik ukiulinni pitsaanerpaajunini arfininngormat naqissuserpaa, Sisoraaserluni ooqattaasartartut kattuffiat taama allappoq.
Norges Cuppimi finalertoqarmat normu 2-mit sekundit 50-it sinnerlugit sukkanerulluni ajugaavoq.
AAMMA ATUARUK Ukaleq Slettemark Norgemi angusarissaarpoq
Arfininngormallu finalertoqarnissaa sioqqullugu Ukaleq Norges Cuppi tamaat isigalugu Synne Owrenimut Lillehammerimeersumut tulliulluni normu 2-tut inissisimavoq.
Ukaleq Slettemarkillu arfininngormat ujagaanermigut Synne Owren qaangerpaa taamaalillunilu Norges Cup tamaat isigalugu ukioq manna ajugaasuuvoq, katillugit pingasoriarluni normu 1-inngorluni, marloriarluni normu 2-nngorluni, ataasiarluni normu 5-inngorluni kiisalu aamma ataasiarluni normu 8-nngorluni.
- Sisoraaserluni ooqattaasarnermi unammisartoq 17-inik ukiulik Norges Topidretts Gymnasimi ilinniarniarluni sisoraaserlunilu ooqattaasarneq aallunneruniarlugu Nuummit Norgemi Geilomut siorna aggustimi nuuttoq sæsonimi matumani ingerlalluartupilussuuvoq, Sisoraaserluni ooqattaasartartut kattuffiat taama allappoq.
AAMMA ATUARUK Ukaleq Slettemark VM-imi normu 4-ngorami qiasimavoq
AAMMA ATUARUK Ukaleq Slettemark angusarissaaqisoq
AAMMA ATUARUK Ukaleq Slettemark Norge Cuppimi siuttuuvoq
