VM Ukaleq Slettemark angusarissaaqisoq
Kalaaleq sisoraaserluni ooqattaasartartoq, 16-inik ukiulik, Ukaleq Slettemark, Estlandimi Youth VM-ertoqarnerani sisoraaserluni ooqattaasarnermi sapaammi peqataagami normu 4-nngorpoq.
Allattoq Jonas Fievé, Sara K. Jakobsen
marsip 04-at 2018 13:50
16-inik ukiulik ullumi sapaammi unamminermi tallimanngornermi ajugaasumit sekundinik 48-nik kingulliulluni aallartippoq.
Slettemark nunarsuarmi pissartanngorniuunnermi tallimanngornermi unamminermi normu 10-nngorluni apuuppoq.
Svenskeq 20-nik ukiulik Elvira Øberg normu 9-nngorpoq, Ukaleq Slettemarkilu 20-nik ukiulimmit sekundinik 48-nik kingulliulluni apuuppoq.
Nunatsinni Biathlonertartut Kattuffiat tusagassiuutinut taama nalunaaruteqarput.
Ukaleq Slettemarkili 16-iniit 18-inut ukiullit akornanni peqataasuni oqilanerpaavoq, kattuffillu naapertorlugu inuusuttuni ukiuni tulliuttuni marlunni peqataaleruni angusarissaarluassaqaaq.
