Ujakkaarnermi nunatsinni pissartanngorniunnissaq kinguartinneqartoq
Eqimattanit marlunnit, tassa NUP Nuummit aamma SSP Sisimiunit peqataasussat aallartiffissamut suli apuutinngillat. Tamanna pissutigalugu aaqqissuisut aallartinnissamik kinguartitsipput – kinguaattoornerli eqimattanit pissuteqanngilaq.
Eqimattat marluk Aasiannut arfininngormalli tikittussaagaluarput, timmisartumilli taamaatitsiinnarnerit kinguaattoornerillu pissutigalugit ullumikkut aatsaat aallartut, Aasianni Sisorartartut Peqatigiiffianni (ASP) siulersuisut siulittaasuat, Kaja Olsen oqarpoq.
- Timmisartumik kinguaattoorneq pissutigalugu suli tikinngillat. Taamaammat aallartinnissaa nalunaaqutaq arfinermut kinguartipparput, eqimattat tamarmik taamaalillutik peqataanissamut periarfissaqassallutik, taanna oqarpoq.
Naalli ujakkaarfissat unamminermilu aqqutissat piareereeraluartut aallartitsinissaq suli utaqqilaarneqassaaq.
Tamannali kingunerluutaangaatsiarnavianngitsoq, unammiuaarnermi aqutsisoq, Amasa Olsen isumaqarpoq.
- Sivikitsumik kinguartitsilaarneq unamminermut sunniuteqangaatsiarnavianngilaq, taanna oqarpoq.
Timmisartumillu ullumikkut qujanartumik kinguaattoortoqanngilaq, NUP Nuuk taamaalilluni tikillugit. Maannalu SSP Sisimiuneersut tikinnissaat taamaallaat amigaataalerput.
- SSP-meersut maanna utaqqiinnarpagut, tikinnissaat neriuutigaarput, Amasa Olsen oqarpoq.
