Assi: Ane Lone Bagger

Ilinniartitaanermut naalakkersuisoq: Uatsinnut piumasaqarnerusariaqarpugut

Naalakkersuisut Ilinnarnertuunngorniarfinnut anguniagassagissaaqaat. Anguniakkat ilumut piviusorsiortuunersut, KNR-ip Ilinniartitaanermut naalakkersuisoq, Ane Lone Bagger, aperaa.

Ilinniarnertuunngorniarfinni iluarsaaqqinneq 2022-p tungaanoortoq Naalakkersuisut assigiinngitsunik anguniagassaqarfigaat.

Ilinniarnertuunngoreernerup kingorna ingerlariaqqiffiusumik ilinnialeqqinnissaq, anguniakkat angisuut ilagaat. Ilinniarnertuunngorniartullu 75 procentiisa ingerlariaqqiffiusumik ilinnialertarnissaat, naalakkersuisut anguniagaraat. Tamannalu ukiut arfiniliinnaat qaangiuppata angunisimanissaa siunniuppaat.

AAMMA ATUARUK Amerlanerusut ilinniarnertuunngornissaat ineriartornermut pingaaruteqarpoq

Tassalu anguniagarissaaruterujussuuvoq, tassami ullumikkut ilinniarnertuunngorsimasut ukiut marluk qaangiukkaangata 42 procentiinnaat ingerlariaqqiffiusumi ingerlariaqqittarmata. Ilinniaqqilersullu 2012-imiilli ikileriareersimapput, taamani 69 procentii ilinnialeqqissimammata.

Kisitsisit taama itsillugit anguniakkap qanoq piviusorsiortiginera ilinniartitaanermut, kultureqarnermut, ilageeqarnermut nunanullu allanut naalakkersuisut apeqqutigaarput:

- Uani ajornartorsiuterujussuaq ilisimavarput, atuanngitsooqattaarnerit pisartut, taassuma qaavatigut unitsitsiinnartartut amerlasuut ilisimavagut, tassani aqqutissiuineq isumaqarpunga aqqutissaasoq pitsaanerusumik ataavartumillu aqqutissiuineq. Meeqqat atuarfianiilli aamma aallartilluni.

Tassunga tunngatillugu uani uani 2012-imi ilinniarnertuunngornikut 69 procentii ilinniaqqisimapput, ullumikkullu taakku 46 procentiinnanngorsimallutik, taamaakkaluartoq ilissi anguniarparsi 75 procentii 2024-mi naammassisalersimanissaat. Tamaa qanoq piviusorsiortigaa?

AAMMA ATUARUK Inooqataanermut tunngasut ukkatarineqarnerussapput

- Isumaqarpunga immitsinnut annertunermik piumaffigisariaqartugut. Uani ilinniarnermut pilersaarutit anguneqassappata immitsinut piumaffigisariaqarpugut annertuumik. Uatsinnuuppat atuarfinnuuppat immaqaluunniit ilinniartunuuppat aamma immitsunnut piumaffiginissarput taanna pisariaqarpoq. Soorunalimi annertuunik anguniagassittariaqarpugut ingerlaqqinnissarput taanna ilinniarluarsimasutut eqqarsaatigalugu, kisianni taamaakkaluartoq aamma nalilersuiuarneq ataavartumik taanna ingerlanneqassooq, sukkununa aaqqitassaqartoq? Sukkununa nalimmassagassaqartoq? Taakku ingerlariarfiit nalilersuinissamut atortuaannassavagut, Ane Lone Bagger taama oqarpoq.

AAMMA ATUARUK Taamaatiinnartoqartaraluartoq nasartaartut amerliartorput

AAMMA ATUARUK Ilinniarnertuunngorniarfiit iluatsippat imaluunniit iluatsinngitsoorpat?

 

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat