Naalakkersuisoq Amerlanerusut ilinniarnertuunngornissaat ineriartornermut pingaaruteqarpoq
Inuusuttut ilinniarnertuunngorniarfimmi aallartittartut amerlassusaat 2006-imit 2016-imut 56 procentit missaannik amerleriaateqarput. Tamannalu Naalaakkersuisut inuusuttut amerlanerusut ilinniarnertuunngorniarfimmi aallartittarnissaannik anguniagaannut naapertuulluarpoq.
Taamaakkaluartoq affaannaat ilinniagartik naammassisarpaat.
Tassunga tunngatillugu ilinniartitaanermut naalakkersuisumut inuusuttut amerlanerusut ilinniarnertuunngorniartarnissaat sooq anguniarneqarnersoq apeqqutigaarput?
AAMMA ATUARUK Atuanngitsoortarnerit atuartitsinissamut ajoqutaasartut
- Nunatta ineriartornera ingerlatissagutsigu aamma ilinniagaqassutsip qaffannissaa pisariaqartoq. Taamaattumik aamma inummut ataasiakkaamut, ilaqutaannut, inuiaqatigiinnullu ataatsimut isigalugu pingaartueqartorujussuuvoq taama ilinniagaqarnerit ineriartornerup ingerlannissaa. Qaffasissumik ilinniagaqarneq taanna qaffassagutsigu, aamma siunissaq inummut ataasiakkaamut ilaqutaannullu qaffannissaa pilersinneqassooq, naalakkersuisoq Ane Lone Bagger taama oqarpoq.
Kisitsisit takutippaat ilinniartut marluugaangata aappaata ilinniarnertuunngorniartarnini unitsiinnartaraa. Pitsaanerunnginnerpa unitsitsiinnartartut ikilisinnissaat ukkatarineqarneruppata aallartittusaninngarnit?
AAMMA ATUARUK Min uddannelse giver mig et mål for fremtiden
- Soorunalimi ilisimaarivarput taamatut siammasissumit ilinniarnertuunngorniartunik tigusinerup malitsigisassai taakkua unammillernartuusut. Uani unammillernartuusinnaapput taamatut siammasissumik ilinniagaqartut tigunerini meeqqat atuarfianinngaanniit immaqa atuagarsornerup tungaatigut unamminartunik inissisimasinnaapput immaqaluunniit aamma inuuniarnermikkut unamminartumik inissisimasinnaapput. Ane Lone Bagger oqarpoq.
AAMMA ATUARUK Kalaallit amerlanerusut ilinniarnertuunngorniartalersut
- Taamaattumik taakku eqqarsaatigalugit qanoq uniinnartartunik ukkatarinninnissarput tassani aamma siunissaq eqqarsaatigalugu misissorneqassooq taavalu nalilersuisoqassaluni qanoq iliorluta tamakku pinngitsoortinnissaat eqqarsaatigalugu. Atuagarsorneriinnaannginnami, aamma inuttut ajornartorsiuteqarlutik inissisimasuusinnaapput. Taamaattumik uani ukiaanerani aamma Inatsisartut inatsimmik akuersissuteqarput aqqutissiuinermi uani tarnip pissusaanik aamma sammisumik aqqutissiuineq aamma ingerlanneqartassasoq, Ane Lone Bagger oqarpoq.